اسلام آباد (بيورو) سپريم ڪورٽ جاچ ادارن جي جاچ ۾ حڪومتي مداخلت بابت پاڻمرادي نوٽيس جي ٻڌڻي دوران هاءِ پروفائل ڪيسن، خاص عدالت ۽ نيب ڪيسن جي مقرري ۽ تبادلي تي پابندي لڳائي ڇڏي.چيف جسٽس عمر عطا بنديال جي سربراهي ۾ 5 رڪني لارجر بينچ حڪومتي ميمبرن خلاف جاچ ۾ مبينا مداخلت بابت پاڻمرادو نوٽيس جي ٻڌڻي ڪئي. ٻڌڻي دوران چيف جسٽس رمارڪس ڏنا ته نيب لاهور ۽ ايف آءِ اي مان ڪيترائي آفيسر بدلي ڪيا ويا، هاءِ پروفائل ڪيسن ۾ بدلين ۽ مقررين تي خدشا آهن،چيف جسٽس پاڪستان اٽارني جنرل کان پڇاڻو ڪيو ته ائين ڇو ٿي رهيو آهي؟ اٽارني جنرل صاحب، توهان جي اچڻ جي مهرباني، ڇا توهان پاڻمرادو نوٽيس ڪيس جو پيپر بڪ پڙهيو آهي؟اٽارني جنرل اشتر اوصاف جواب ڏنو ته هن پيپر بڪ نه پڙهيو آهي، جنهن تي کيس سوموٽو نوٽس پيپر بڪ پڙهڻ لاءِ ڏنو ويو.چيف جسٽس عمرا بنديال چيو ته پيپر بڪ جا پيراگراف 2 ۽ 3 پڙهو، ايف آءِ اي لاهور جي عدالت ۾ پراسيڪيوٽر کي تبديل ڪيو ويو آهي، ڊي جي ايف آءِ اي ثناءُ الله عباسي ۽ ڊائريڪٽر رضوان کي به تبديل ڪيو ويو آهي، سوموٽو جو پس منظر اوهان جو آهي. چيف جسٽس چيو ته ڊي جي ايف آءِ اي هڪ جاچ آفيسر کي ڪيس ۾ پيش ٿيڻ کان روڪيو هو، مداخلت نه ٿيڻ گهرجي،جسٽس عمر عطا بنديال چيو ته پراسيڪيوشن آفيسرن کي هٽائڻ جا سبب ڄاڻڻ چاهيان ٿو، ڊي جي ايف آءِ اي سنڌ جو آهي، عباسي سٺي شهرت جو آفيسر آهي. چيف جسٽس آف پاڪستان رمارڪس ڏيندي چيو ته هو گذريل ٻن مهينن کان اخبارن ۾ خبرون ڏسي رهيو آهي، اخباري رپورٽن موجب اي سي ايل پاليسي ۾ تبديلي سان 3 هزار کان وڌيڪ ماڻهن کي فائدو ٿيندو، اي سي ايل جي پاليسي ۾ تبديلي سان 3 هزار کان وڌيڪ ماڻهن کي فائدو ٿيندو، ڄاڻڻ چاهيون ٿا ته اي سي ايل ۾ شامل ماڻهو ڪيئن فائدو ٿي رهيو آهي؟ ڪا به راءِ نه ٿا ڏيون، رڳو حقيقتون ڄاڻڻ چاهيون ٿا، نظام کي اندروني ۽ بيروني خطرا آهن،سپريم ڪورٽ ڊي جي ايف آءِ اي ۽ چيئرمين نيب کي نوٽيس جاري ڪندي لکت ۾ جواب طلب ڪندي چيو آهي ته نيب ۽ ايف آءِ اي جي پراسيڪيوٽر سميت سمورا لاڳاپيل آفيسر لکت ۾ جواب ڏين ۽ سمورا لاڳاپيل آفيسر پنهنجي مٿان لڳايل الزامن جو جواب ڏين.سپريم ڪورٽ چيو آهي ته ٻڌايو وڃي ته شهباز شريف ۽ حمزا شهباز جي ڪيسن ۾ جاچ آفيسرن جون مقرريون ۽ بدليون ڪهڙي بنياد تي ڪيون ويون. انهن ڪيسن ۾ قانون جي حڪمراني متاثر ٿي رهي آهي.چيف جسٽس چيو ته معاشري ۾ امن ۽ اعتماد برقرار رکڻ آئين تحت سپريم ڪورٽ جي ذميواري آهي، قانون جي بالادستي برقرار رکڻ سپريم ڪورٽ جي ذميواري آهي. سپريم ڪورٽ پراسيڪيوشن کي هاءِ پروفائل ڪيس واپس وٺڻ کان روڪيندي پاڻمرادو نوٽيس ڪيس جي ٻڌڻي ايندڙ هفتي تائين ملتوي ڪري ڇڏي.ان کان علاوه سپريم ڪورٽ گذريل 6 هفتن ۾ اي سي ايل مان ڪڍڻ وارن ماڻهن جي لسٽ به طلب ڪري ورتي آهي ۽ هر قسم جي مقررين ۽ بدلين تي به پابندي لڳائي ڇڏي آهي.
