لاهور (ويب ڊيسڪ)پاڪستان تحريڪ انصاف جي اڳواڻ شهباز گل چيو آهي ته سپريم ڪورٽ ۾ ڪيس هلي رهيو آهي پر فيصلو مريم نواز ڏنو.لاهور هاءِ ڪورٽ ۾ ميڊيا سان ڳالهائيندي شهباز گل چيو ته مريم نواز چوي ٿي ته پهريان انصاف ٿيندو پوءِ چونڊون ٿينديون.شهباز گل جو چوڻ آهي ته هوءَ چوي ٿي ته منهنجي پيءُ کي چور چيو ويو، هاڻي ٻين کي به چور چيو وڃي.هن چيو ته مون کي وچولي طبقي مان هجڻ جي سزا ڏني پئي وڃي، اي سي ايل مان نالو ڪڍڻ کانپوءِ ٻاهر ويو ۽ پوءِ واپس آيو، منهنجي مٿان ڪوڙا ڪيس ٺاهيا ويا.
