ڄامشورو(ويب ڊيسڪ)سکر بئراج کان ايندڙ ٻوڏ واري ريل رات دير سان ڪوٽڙي بئراج وٽ پهتي، بئراج وٽ اوچائي سطح جي ٻوڏ آهي، سنڌ جي دادو ضلعي جي منڇر ڍنڍ ۾ پاڻي جو دٻاءُ مسلسل وڌي رهيو آهي. آبپاشي کاتي جو چوڻ آهي ته ڪوٽڙي بئراج وٽ اوچائي سطح جي ٻوڏ آهي، بئراج جا سمورا بند محفوظ آهن ۽ عملو الرٽ تي آهي، ٻوڏ جي سطح ساڍا پنج کان ڇهه لک ڪيوسڪ هوندي. سال 2010ع ۾ ڪوٽڙي بئراج مان 9 لک 64 هزار ڪيوسڪ ريل گذري چڪي آهي، تنهن ڪري ڪو به خطرو ناهي.ٻئي طرف سنڌ جي دادو ضلعي جي منڇر ڍنڍ ۾ پاڻي جو دٻاءُ مسلسل وڌي رهيو آهي، دٻاءُ سبب پاڻي ڊسٽرڪٽ جي دروازن کان مٿانهون نڪري ڊسٽرڪٽ ڪئنال ۾ داخل ٿي رهيو آهي. ڊسٽرڪٽ ڪينال جي دروازن تي پاڻي جي دٻاءُ سبب گيٽ ٽٽڻ جو خدشو پڻ ظاهر ڪيو پيو وڃي.منڇر ڍنڍ ۾ هن وقت پاڻي جي سطح 122 آر ايل کان وڌيڪ آهي، ڊنسٽر گيٽ جي ڊيگهه 22 فوٽ آهي جنهن ۾ لوهي شيٽ لڳل آهي، ڍنڍ جي ليول 22 فوٽ کان مٿي هجڻ سبب گيٽ مٿان پاڻي اوور فلو ٿي رهيو آهي. ٿرپارڪر جي 9 ڳوٺن کي آفت جو شڪار قرار ڏنو ويو آهي، ڳوٺ دريا خان چانڊيو جي رهواسي اڪرو دڙي ۾ ٻوڏ سبب مختلف ڳوٺ پاڻي هيٺ اچي ويا آهن.دادو جي تعلقي خيرپور ناٿن شاهه جي مختلف ڳوٺن ۾ پاڻي داخل ٿي ويو آهي، جنهن کانپوءِ ٻوڏ متاثر ماڻهو بدحالي جي زندگي گذارڻ تي مجبور آهن.خيبرپختونخواهه ۾ منڊا هيڊ ورڪس ٻوڏ ۾ ٻڏي ويا، مهمند ضلعي جي رهواسين کي سوات نديءَ ۾ خطرناڪ ٻيڙين جو سفر ڪرڻ تي مجبور ڪيو ويو.
