اسلام آباد (رپورٽ الله وسايو گهوٽو) وفاقي وزير فواد چوڌري واٽس ايپ طرفان پاليسي ۾ واڌ جي فيصلي کي صحيح قرار ڏئي ڇڏيو آهي.سماجي رابطي جي ويب سائٽ فيس بڪ جي ذيلي ڪمپني واٽس ايپ پنهنجي نئين پاليسي ۾ تبديلي سان لاڳاپيل فيصلو ملتوي ڪري ڇڏيو هو. واٽس ايپ صارفين طرفان سخت تنقيد سامهون اچڻ کان پوءِ سماجي رابطي جي ويب سائٽ فيس بڪ سان گڏ ڊيٽا شيئر ڪرڻ بابت پاليسي ۾ تبديلي جي ڊيڊ لائن اڳيان وڌائڻي هئي. جنهن کان پوءِ سڄي دنيا جي صارفين جي وڏي انگ واٽس ايپ ڇڏي سگنل ۽ ٽيليگرام تي منتقل ٿيڻ شروع ٿي ويا هئا ۽ واٽس ايپ کي پنهنجي نئين پاليسي بابت سخت تنقيد کي منهن به ڏيڻو پئجي رهيو هو جنهن سبب واٽس ايپ فوري طور تي اهو فيصلو ملتوي ڪندي فيس بڪ تان صارفين جو ڊيٽا شيئر ڪرڻ جي تاريخ 8 فيبروري کان وڌائي هاڻ 15 مئي ڪري ڇڏي آهي.ان حوالي سان سائنس اينڊ ٽيڪنالاجي واري وفاقي وزير فواد چوڌري فيصلي کي صحيح قرار ڏيندي چيو ته فيس بڪ جهڙيون ڪمپنيون وڏي آبادي کي متاثر ڪنديون آهن ان ڪري ڊيٽا سيڪيورٽي جهڙا فيصلا صارفين کي علم ۾ هجڻ تمام گهڻو ضروري آهي ۽ ماڻهن جي پرائيويسي کي تحفظ ڏيڻ يقيني هجڻ گهرجي.واضح رهي ته واٽس ايپ اعلان ڪيو هو ته هو پنهنجن سمورن صارفين جي ڊيٽا جنهن ۾ موبائل جي سموري ڄاڻ سميت لوڪيشن به شامل آهي. فيس بڪ ۽ انسٽاگرام ۽ ميسنجر جهڙيون ٻيون ذيلي ڪمپنين کي فراهم ڪندي. واٽس ايپ جي ان اعلان کان پوءِ سڄي دنيا جا صارفين پيغام پهچائڻ جي متبادل ايپس تي منتقل ٿيڻ شروع ٿي ويا هئا جنهن ۾ سگنل ۽ ٽيليگرام پهرين نمبر تي آهي.
اڄوڪي-اخبار-2024-04-20
اڄوڪي-اخبار-2024-04-20
خط مامرو: هاءِ ڪورٽ جي سڀني ججن کان تجويزون طلب
جاپاني شهرين جي گاڏي لڳ ڌماڪو 2 فوت ۽ 2 زخمي
عالمي واٽر سمٽ ۾ گورننس کي بهتر ڪرڻ تي زور
ٽي ايل پي بابت رپورٽ صوبائي حڪومت سان شيئر نه ڪئي وئي
پشاور ۽ بلوچستان جي چيف جسٽسز جي نالن جي منظوري
دهشتگردن سان ڳالهيون نه ٿينديون، تارڙ جو پاليسي بيان
آءِ ايم ايف پاران مختصر مدي وارو پروگرام وٺڻ جي صلاح
بلوچستان جي 14 رڪني ڪابينا حلف کڻي ورتو
ڪينيا جو آرمي چيف ڏهه آفيسر سميت اجل جو شڪار
خصوصي سيٽن وارن ميمبرن کان حلف وٺڻ جو حڪم
حدبندي جو تڪرار ، پينو فقير عدالت پهچي ويا
ٽڪ ٽاڪ پاران نئين ايپ متعارف
ايران تي اسرائيلي جارحيت، صورتحال جو جائزو وٺون پيا، ترجمان
جمشيد دستي ۽ اقبال احمد خان تي اجلاس ۾ شرڪت تي پابندي
مبينا جاسوسي جي جوابدار جي ضمانت واري درخواست رد
دهشتگردي جي مڪمل خاتمي تائين سڪون سان نه ويهنداسين
دنيا جي سڀ کان وڏي چونڊ، ڀارت ۾ ووٽنگ شروع
انٽر بئنڪ ۾ ڊالر 278 رپيا 50 پئسا ٿي ويو