ڪراچي (ويب ديسڪ)نجي ٽي وي جي مارننگ شو جي ميزبان ندا ياسر زيادتي کانپوءِ قتل ٿيل 5 سالن جي مروه جي والدين کي شو ۾ گهرائي انهن کان جذباتي ۽ غيرسنجنده سوال ڪرڻ تي معافي وٺي چڏي آهي. ڪجهه ڏينهن اڳ ندا ياسر پنهنجي مارننگ شو ۾ مروه جي والدين کان واقعي بابت اهڙا سوال ڪيا هئا جو هو روئي ويٺا هئا. ندا ياسر جي اهڙي قدم تي سوشل ميڊيا تي مٿس سخت تنقيد ڪئي وئي ۽ کيس بيحس قرار ڏيندي ڪجهه صارفين سندس شو تي پابندي جو مطالبو ڪيو هو. ٿيندڙ تنقيد بعد ندا ياسر هڪ وڊيو پيغام ذريعي ماڻهن کان معافي ورتي ۽ چيو ته مون مروه جي فيملي کي شو ۾ نه گهرايو هو پر هنن پاڻ مون سان رابطو ڪيو هو.
