شيخ ڀرڪيو (مظفر علي بروهي) برطانيا مان وطن واپس آيل زميندار مير فواد حسين ٽالپر جي ڪورونا ٽيسٽ مثبت اچڻ بعد ساڻس ميل ملاقات ڪندڙن کي پوليس حراست ۾ وٺي ڪرونا سينٽر منتقل ڪري ڇڏيو آهي. حيدرآباد تعلقي جي ڳوٺ حسين خان ٺوڙهو جي زميندار مير فواد حسين ٽالپر ملاقاتون ڪندڙ دوستن ۽ ملازمن جي لسٽ پاڻ ڏني جنهن بعد اسٽنٽ ڪمشنر تعلقه حيدرآباد اعجاز ابڙو، تبيدار غلام فاروق زنئور ۽ ايس ايڇ او پٻڻ امتياز لاڙڪ کي ساڻ ڪري ڳوٺ پهتو.
جنهن بعد هو ڳوٺ حسين خان ٺوڙهو ،گلڻ پتافي، دودو پتافي ۽ ٻين ڳوٺن سان تعلق رکندڙ مير فواد ٽالپر سان ملاقات ڪندڙ 14 ڄڻن کي پاڻ سان گڏ کڻي ويا. جن ۾ عرفان علي لاکو عباس علي لاکو قربان علي خاصخيلي منصور کوسو اعجاز لاکو عنايت سولنگي دلدار سولنگي منظور سولنگي آحمد خان پتافي شاهنواز پتافي غلام قادر پتافي ظھير ٽالپر ۽ دودو لاکو شامل آهن. کين سخت پهري ۾ پوليس ۽ ايمبولينس جي ذريعي کڻي ڪوهسار ۾ قائم آئيسوليشن وارڊ ۾ منتقل ڪيو ويو آهي.
