اسلام آباد (بيورو رپورٽ)پاڪستان جي وزيراعظم شهباز شريف چيو آهي ته مڪه معاهدي سڄي خطي ۾ اتحاد ۽ امن جو پيغام ڏنو آهي.پاڪستان جي وزيراعظم شهباز شريف سان سعودي عرب جي ماحول، پاڻي ۽ زراعت واري وزير عبدالرحمان بن عبدالمحسن الفضلي ملاقات ڪئي ۽ ٻن مقدس مسجدن جي خادم شاهه سلمان جي طرفان نيڪ خواهشن جو اظهار ڪيو.سعودي وزير گرمجوشي سان استقبال ۽ مهمان نوازي لاءِ وزيراعظم شهباز شريف جو شڪريو ادا ڪيو.هن موقعي تي وزيراعظم شهباز شريف چيو ته مڪي دفاعي معاهدي سعودي عرب، ترڪي ۽ پاڪستان کي ويجهو آندو آهي.وزيراعظم چيو ته پاڪستان ۽ سعودي عرب اسٽريٽجڪ ڀائيوار آهن، ۽ ٻنهي ملڪن کي اقتصادي ۽ زرعي شعبن ۾ تعاون وڌائڻ تي ڌيان ڏيڻ گهرجي.هن سعودي عرب کي زرعي شين جي برآمد ۾ جاري مثبت تعاون تي اطمينان جو اظهار ڪيو.وزيراعظم شهباز شريف اهو به چيو ته پاڪستاني زرعي ماهرن جو هڪ وفد جلد رياض جو دورو ڪندو.
