سکر (بيورو رپورٽ): سکر شهر ۽ ان جي ڀرپاسي وارن علائقن ۾ اڄ اوچتو تيز هوائن سان گڏ گجگوڙ سان گڏ موسلادار برسات پئي، جنهن کانپوءِ گرميءَ جو زور ٽٽي ويو ۽ موسم انتهائي خوشگوار ٿي وئي. پر، روايت موجب برسات جي پهرين بوند پوڻ سان ئي سکر اليڪٽرڪ سپلائي ڪمپني (سيپڪو) جا ڪيترائي پاور فيڊر ٽرپ ڪري ويا، جنهن ڪري اڌ کان وڌيڪ شهر جي بجلي غائب ٿي وئي. موسميات کاتي جو چوڻ آهي ته برساتن جو اهو سلسلو اڃا وڌيڪ جاري رهندو. ٻئي پاسي پي ڊي ايم اي پاران سکر ۾ اربن فلڊنگ جو خطرو ظاهر ڪيو ويو آهي، جنهن تي ميئر سکر ميڊيا کي ٻڌايو ته ضلعي انتظاميه الرٽ آهي ۽ برسات رکڻ شرط ئي گهٽين ۽ رستن تان پاڻي نيڪال ڪرڻ جو ڪم شروع ڪيو ويندو.
