اسلام آباد (بيورو رپورٽ) گهرو وزير راڻا ثناءُ الله چيو آهي ته نگران وزيراعظم لاءِ حفيظ شيخ سميت ٻين نالن تي صلاح مشورا جاري آهن پر اڃا تائين ڪو به نالو فائنل نه ڪيو ويو آهي ڇو ته 2023 چونڊن جو سال ناهي.ان موقعي تي ڳالهائيندي راڻا ثناءُ الله چيو ته آئين ۾ لکيل آهي ته 2017ع ۾ ٿيل آدمشماري جي بنياد تي ٻيون چونڊون نه ٿيون ٿي سگهن. آئين ۾ لکيل آهي ته آدمشماري ٿيڻ وقت تڪ بنديون ضروري هونديون آهن. نگران حڪومت آئيني تقاضا پورا ڪندي تڪ بنديون ڪندي،چونڊون لڳ ڀڳ 120 ڏينهن لڳن ٿيون، نه ڪي مهينا.هن چيو ته اليڪشن ملتوي نه ٿيندي ۽ نگران حڪومت وقت تي چونڊون ڪرائڻ کي يقيني بڻائيندي، جڏهن ته نگران وزيراعظم لاءِ حفيظ شيخ يا ٻين نالن تي ڳالهيون هلي رهيون آهن، اڃا تائين ڪنهن جو نالو سامهون ناهي آيو.نگران وزيراعظم جو نالو اڄ شام يا سڀاڻي فائنل ٿي سگهي ٿو.گهرو وزير چيو ته دهشتگردن سان ڳالهيون نه ڪرڻ جي پاليسي اڄ جي نه پر اڳ جي آهي، دهشتگردن سان ڳالهين جا ڪو به حوصلا افزائي نتيجا نه آيا آهن، هڪ صوبي ۾ امن امان جي صورتحال اهڙي آهي جنهن تي وڌيڪ ڌيان ڏيڻ گهرجي.راڻا ثناءُ الله وڌيڪ چيو ته چار پنج ڏينهن اڳ جي يو آءِ جي اجلاس ۾ ڌماڪو ٿيو هو، جنهن ۾ تمام گهڻو نقصان ٿيو هو.اهي ڳالهيون هلنديون پر ان سبب اليڪشن اڳتي نه ايندي.هن چيو ته آرمي چيف جو بيان سخت نه پر صورتحال جي لحاظ کان مدلل ۽ درست جواب آهي. سڄي قوم آرمي چيف جي جواب سان گڏ بيٺل آهي، پاڙيسري ملڪ جي امن امان ۾ مداخلت برداشت نه ٿي ڪري سگهجي. پاڙيسري ملڪن جا ماڻهو جيڪي ڪجهه ڪري رهيا آهن ان کي برداشت نٿو ڪري سگهجي.پاڪ فوج دهشتگردي خلاف جنگ ۾ ڏينهن رات آپريشن ڪري رهي آهي. قربانيون به ڏئي رهيا آهيون، دهشتگردي ڪنهن به صورت ۾ برداشت نه ڪئي ويندي.گهرو وزير راڻا ثناءُ الله کان سوال ڪيو ويو ته ڇا 2023ع چونڊن جو سال آهي؟ ان تي هن جواب ڏنو ته ”ها، سڌو جواب نه“.
