لاهور (ويب ڊيسڪ)لاهور پوليس پاڪستان تحريڪ انصاف جي اڳواڻ سلمان اڪرم راجا سميت ڪيترن ئي ڪارڪنن کي حراست ۾ وٺي اڻڄاتل هنڌ منتقل ڪري ڇڏيو آهي. پاڪستان تحريڪ انصاف (پي ٽي آءِ) جي ڪارڪنن عام چونڊن جي نتيجن ۾ مبينا ڌانڌلي خلاف جيل روڊ تي پارٽي آفيس ٻاهران احتجاج ڪري رهيا آهن.تحريڪ انصاف جي احتجاج ۾ عورتون به شرڪت ڪري رهيون آهن.پوليس احتجاج ڪندڙ سلمان اڪرم راجا سميت پي ٽي آءِ جي ڪيترن ئي ڪارڪنن کي حراست ۾ وٺي ڇڏيو آهي.پوليس جي حراست ۾ سلمان اڪرم راجا سميت پي ٽي آءِ جي ڪارڪنن کي جيل وين ذريعي اڻڄاتل هنڌ منتقل ڪيو ويو آهي.ڊي آءِ جي آپريشنز علي ناصر به جيل روڊ تي پي ٽي آءِ آفيس ٻاهران پهچي ويو آهي.هوڏانهن لاهور پوليس پريس ڪلب ٻاهران پي ٽي آءِ ڪارڪنن کي به حراست ۾ وٺي ڇڏيو آهي.ليڊي پوليس اهلڪارن پي ٽي آءِ جي عورت ڪارڪنن کي به حراست ۾ ورتو آهي.
اسلام آباد پريس ڪلب آڏو پي ٽي آءِ ڪارڪنن جو احتجاج
پي ٽي آءِ ڪارڪنن اسلام آباد پريس ڪلب ٻاهران احتجاجي مظاهرو ڪيو.پي ٽي آءِ جي ريلي ۾ شير افضل مروت، شعيب شاهين ۽ عامر مغل شرڪت ڪري رهيا آهن.نيشنل پريس ڪلب ٻاهران پي ٽي آءِ جي ريلي ۾ عورتون به موجود آهن.
شيخوپوره پريس ڪلب ٻاهران احتجاجي مظاهرو
هوڏانهن شيخوپوره ۾ پاڪستان تحريڪ انصاف جي ڪارڪنن پاران چونڊ نتيجن ۾ ڌانڌلي خلاف پريس ڪلب ٻاهران احتجاجي مظاهرو ڪيو ويو. شيخوپوره ۾ احتجاج ۾ پي ٽي آءِ جي عورت ڪارڪنن به شرڪت ڪئي.
