ڪراچي (اسٽاف رپورٽر) ايڊيشنل آءِ جي آزاد خان جو چوڻ آهي ته منشيات فروش انمول عرف پنڪي جو برانڊ هڪ ٽريپ بڻجي ويندو، ڪاروبار ۾ آفريقي شهري به شامل آهن.قائد اعظم خان ۾ پريس ڪانفرنس ڪندي چيو ته پنڪي جو ڪيس اسان لاءِ هڪ ٽيسٽ ڪيس آهي، اسان ان کي ان جي منطقي نتيجي تي پهچائينداسين.هن چيو ته اسان ڪيس ۾ ڪراچي تائين محدود نه آهيون، توهان ڏسندا ته پنڪي جو برانڊ هن لاءِ ٽريپ بڻجي ويندو، جيڪي هن کان منشيات خريد ۽ وڪرو ڪندا هئا انهن کي گرفتار ڪيو ويو آهي، جوابدارن جي سهولتڪارن کي به گرفتار ڪيو پيو وڃي، سچل ۾ پنڪي جي پراڻي گهر تي ڇاپو هنيو ويو، اتان به منشيات مليون، اهي منشيات ٻاهران اچي رهيون هيون.آزاد خان چيو ته جوابدارن جي بينڪ اڪائونٽس جي تفصيل ورتي وئي آهي، جوابدارن پاران 3 ڪروڙ جي ٽرانزيڪشن ڪئي وئي آهي، هن نيٽ ورڪ ۾ آفريڪا جا ماڻهو به شامل آهن.ايڊيشنل آءِ جي وڌيڪ چيو ته پنڪي ڪيس جي حوالي سان ايف آءِ اي ۽ سائبر ڪرائم سان رابطو ڪيو ويو آهي. ڪيس جي وڏي پيماني تي جاچ جاري آهي. ملزم انمول عرف پنڪي جي موبائل فون تي 869 نمبر مليا آهن، جن مان 132 ڪراچي جا نمبر آهن. هي اسان لاءِ هڪ ٽيسٽ ڪيس آهي. ملوث هر ملزم خلاف ڪارروائي ڪئي ويندي.
