ڪراچي(اسٽاف رپورٽر) دبئي کان فيصل آباد ويندڙ غير ملڪي ڪمپني جي اڏام ۾ ذوالفقار نالي مسافر طبيعت خراب ٿيڻ سبب بيهوش ٿي ويو. ان وقت اڏام لاڙڪاڻي لڳ هئي ته پائلٽ اي ٽي سان رابطو ڪري ايمرجنسي ۾ لينڊنگ لاءِ چيو. جهاز جو رخ ڪراچي موڙيو ويو ۽ جيئن ئي جهاز لينڊ ڪيو ته ڊاڪٽرن جي ٽيم کيس طبي مدد لاءِ پهتي پر تيسين مسافر دم ڌڻي حوالي ڪري چڪو هو. جنهن بعد ضروري ڪاروائي بعد اڏام رواني ٿي. جڏهن ته ڪراچي مان دبئي ويندڙ هڪ ٻئي اڏام ۾ 3 سالن جي ٻارڙي جي طبيعت خراب ٿيڻ سبب اڏام کي روڪيو ويو.
