اسلام آباد: (بيورو رپورٽ) پاڪستان ٽيلي ڪميونيڪيشن اٿارٽي (پي ٽي اي) جي عملدارن چيو آهي ته فيس بڪ، انسٽاگرام ۽ يوٽيوب سميت ٻيا سوشل ميڊيا پليٽ فارم پاڪستان ۾ رجسٽريشن لاءِ تيار نه آهن.پاڪستان ٽيلي ڪميونيڪيشن اٿارٽي سينيٽ جي اسٽينڊنگ ڪميٽي آن آئي ٽي کي هڪ رپورٽ جمع ڪرائي آهي، جنهن ۾ چيو ويو آهي ته هن پاڪستان ۾ رجسٽريشن لاءِ سڀني وڏين سوشل ميڊيا ڪمپنين سان رابطو ڪيو آهي، پر وڏين سوشل ميڊيا ڪمپنين کان ڪو به مثبت جواب نه مليو.ان حوالي سان چيو ويو ته سوشل ميڊيا ڪمپنيون ڏوهاري ڪيسن کان ڊڄن ٿيون، جنهن کي پاڪستان ۾ آفيسون نه کولڻ جو سبب قرار ڏنو ويو آهي. پي ٽي اي موجب، ريگيوليٽري وضاحت جي کوٽ ۽ موجوده ڪاروباري حالتون پڻ مکيه سببن مان آهن.پي ٽي اي پوسٽ ايڪس مان اسرائيل بابت دفاع واري وزير جي پوسٽ کي هٽائڻ جي معاملي تي هڪ رپورٽ پڻ جمع ڪرائي. شڪايت ڪندڙ کان ڊليٽ ڪيل ٽوئيٽ کي بحال ڪرڻ جي ڪا به درخواست نه ملي آهي ۽ نه ئي هن معاملي ۾ اڃا تائين ڪا ڪارروائي ڪئي وئي آهي.آفيسرن چيو ته ڪا به شڪايت ملڻ تي، پي ٽي اي مقرر ڪيل طريقيڪار مطابق مناسب ڪارروائي ڪندو.
