رياض (ويب ڊيسڪ)ناڻي واري وزير اسحاق ڊار سڄي دنيا ۾ رهندڙ پاڪستانين کي چيو آهي ته هو حڪومت جي ڪاميابي لاءِ دعا ڪن، پاڪستان کي جلد معاشي بحران مان ڪڍيو ويندو.اهڙن خيالن جو اظهار هن مديني منوره ۾ مسلم ليگ (ن) جاپان جي چيئرمين ملڪ يونس سميت ٻين اوورسيز پاڪستانين سان ملاقات دوران ڪيو.اسحاق ڊار چيو ته پي ڊي ايم حڪومت گذريل حڪومت جيان پاڪستان کي بحران مان ڪڍڻ لاءِ ڏينهن رات ڪم ڪري رهي آهي، اميد آهي ته پوري قوم جي سهڪار سان پاڪستان بحران مان نڪري ويندو.ان موقعي تي مسلم ليگ (ن) جاپان جي چيئرمين ملڪ يونس اسحاق ڊار کي يقين ڏياريو ته هو نه رڳو جاپان پر سڄي دنيا ۾ مسلم ليگ (ن) جي ڪارڪنن تي زور ڀريندو ته هو قانوني طريقي سان وڌ کان وڌ پرڏيهي مٽا سٽا پاڪستان موڪلين.هن چيو ته اوورسيز پاڪستانين طرفان هر سال 30 کان 32 ارب ڊالرن جو پرڏيهي مٽاسٽا پاڪستان موڪليو ويندو آهي، ان کي وڌائي 40 ارب ڊالر ڪيو وڃي، حڪومت ملڪ کي معاشي بحران مان ڪڍڻ ۾ مدد ڪري.ان موقعي تي مسلم ليگ ن جي اڳواڻ راڻا مشهود سان مسلم ليگ ن جاپان جي وفد پڻ ملاقات ڪئي ۽ مذهبي ۽ سياسي معاملن تي خيالن جي ڏي وٺ ڪئي.ملاقات ۾ سينيئر ن ليگ اڳواڻ راڻا شوڪت، مسلم ليگ ن ڪويت جو چيئرمين چوڌري عرفان ناگرا، مسلم ليگ ن سعودي عرب جو اڳواڻ چوڌري محمود الحق ڊوگر، ڊپٽي سيڪريٽري جنرل رانا طارق محمود ۽ ٻيا اڳواڻ پڻ موجود هئا.
