ٺٽو: (ن س) ٺٽو ۾ مڪلي بائي غلام الله چوڪ ويجهو هڪ خوفناڪ حادثو پيش آيو. ٽرالر جهوپڙي ۾ داخل ٿي ويو ۽ سمهيل ماڻهن کي چيڀاٽي ڇڏيو، جنهن سبب ٽي ماڻهو فوت ٿي ويا جڏهن ته هڪ ٻار سخت زخمي ٿي پيو. اطلاع ملڻ تي پوليس ۽ ريسڪيو ٽيمن جو وڏو جٿو به موقعي تي پهچي ويو. فوت ٿيلن جي لاشن کي ضروري ڪارروائي لاءِ اسپتال منتقل ڪيو ويو.پوليس اختيارين جو چوڻ آهي ته ٽرالر هيٺان دٻجي فوت ٿيندڙن جي سڃاڻپ امير، جانڪي ۽ گدي جي نالي سان ٿي آهي. زخمي ٻار کي به طبي علاج لاءِ اسپتال منتقل ڪيو ويو آهي. حادثي جا سڀئي متاثر هڪ ئي خاندان سان تعلق رکن ٿا.پوليس اختيارين جو چوڻ آهي ته حادثي ۾ فوت ٿيندڙ هڪ ماءُ، پٽ ۽ ڌيءَ هئا، جڏهن ته زخمي پڻ هڪ ئي گهر جي ڇوڪري آهي. ٽرالر پيٽرول پمپ تان پيٽرول ڀري رهيو هو ته اوچتو شروع ٿيو ۽ ڊرائيور جي ڪنٽرول مان نڪري ويو ۽ جهوپڙي ۾ داخل ٿي ويو.پوليس اختيارين جو چوڻ آهي ته ڊرائيور کي حراست ۾ ورتو ويو آهي ۽ حادثي جي جاچ شروع ڪئي وئي آهي. ضروري ڪارروائي کان پوءِ فوت ٿيلن جا لاش وارثن جي حوالي ڪيا ويا.
