لاهور (ويب ڊيسڪ)لاهور هاءِ ڪورٽ مسلم ليگ (ن) جي سمورن 18 معطل ٿيل ميمبرن کي ڪالهه اسيمبلي اجلاس ۾ شرڪت ۽ ووٽنگ جي اجازت ڏئي ڇڏي.لاهور هاءِ ڪورٽ جي جسٽس شاهد بلال ۽ جسٽس رسال حسن پنجاب اسيمبلي ۾ مسلم ليگ (ن) جي 18 ميمبرن جي شرڪت تي پابندي خلاف درخواستن تي ٻڌڻي ڪئي.ٻڌڻي دوران جسٽس شاهد بلال پڇاڻو ڪيو ته ڇا راڻا مشهود تي پابندي خلاف درخواست غير موثر ٿي وئي آهي؟ ان تي راڻا مشهود جي وڪيل چيو ته راڻا مشهود جي 15 سيٽن تي پابندي ختم ٿي چڪي آهي پر قانوني سوال باقي آهي.راڻا مشهود جي وڪيل موقف اختيار ڪيو ته اسپيڪر (ن) ليگ جي 18 ميمبرن کي 15 سيٽن جي اجلاس ۾ شرڪت کان روڪيو، پابندي کان اڳ اسپيڪر کي ٻه وارننگ ڏيڻ ضروري آهي، ان ڪري پابندي نه لڳائي سگهجي.ان تي عدالت چيو ته 15 سيٽن تي اسپيڪر جو موقف ڇا آهي؟ ان تي اسپيڪر جي وڪيل چيو ته ان جو حقيقي ۽ قانوني پاسو آهي، منهنجي موکل موجب اها درخواست قابل قبول ناهي.مسلم ليگ ن جي وڪيل چيو ته جيڪڏهن ميمبرن جي اجلاس ۾ شرڪت تي پابندي نه لڳائي وئي ته پوءِ اسان جي درخواست بي اثر ٿي وئي آهي.دليل مڪمل ٿيڻ بعد لاهور هاءِ ڪورٽ 18 ميمبرن جي اجلاس ۾ شرڪت تي پابندي واري نقطي تي فيصلو محفوظ ڪري ورتو، جنهن بعد ڪجهه دير کانپوءِ سمورن 18 ميمبرن کي اجلاس ۾ شرڪت جي اجازت ڏئي ڇڏي. عدالت چيو ته جيڪڏهن ووٽنگ ٿي ته اهي ميمبر به ووٽ ڏئي سگهن ٿا.
