اسلام آباد(بيورو رپورٽ) سپريم ڪورٽ پي ٽي آءِ اڳواڻن عمر اسلم ۽ طاهر صادق جون درخواستون منظور ڪندي کين قومي ۽ صوبائي اسيمبلي جي تڪ تان چونڊ وڙهڻ جي اجازت ڏئي ڇڏي آهي. سپريم ڪورٽ آف پاڪستان پنجاب جي اڳوڻي وڏي وزير ۽ پي ٽي آءِ اڳواڻ چوڌري پرويز الاهي جا نامزدگي ڪاغذ رد ڪرڻ خلاف اپيل تي ٻڌڻي ڪندي اليڪشن ٽربيونل جو فيصلو ڪالعدم قرار ڏيندي پرويز الاهي کي اليڪشن وڙهڻ جي اجازت ڏئي ڇڏي. سپريم ڪورٽ پرويز الاهي کي پي پي 32 گجرات جي تڪ تان چونڊ وڙهڻ جي اجازت ڏئي ڇڏي آهي.جسٽس منصور علي شاهه جي سربراهي ۾ 3 رڪني بينچ ٻڌڻي ڪئي، بينچ ۾ جسٽس جمال مندوخيل ۽ جسٽس اطهر من الله شامل هئا.پرويز الاهي جي وڪيل فيصل صديقي عدالت کي ٻڌايو ته اسان کي اڃا تائين ريٽرننگ آفيسر جو مڪمل آرڊر نه مليو آهي، اعتراض هو ته هر تڪ ۾ چونڊ خرچن لاءِ الڳ اڪائونٽ نه کوليا ويا آهن، پرويز الاهي 5 تڪن تان چونڊ وڙهي رهيو آهي.جسٽس اطهرمن الله پڇاڻو ڪيو ته قانون ۾ ڪٿي لکيل آهي ته 5 تڪن لاءِ 5 اڪائونٽ کولڻ گهرجن؟پرويز الاهي جي وڪيل فيصل صديقي جواب ڏنو ته چونڊ مهم ۾ وڌيڪ خرچ ٿيو ته اليڪشن کانپوءِ اڪائونٽ چيڪ ڪيا ويندا آهن.جسٽس جمال خان مندوخيل چيو ته اهي ڳالهيون ڇڏي قانون جي ڳالهه ڪريو.پرويز الاهي جي وڪيل فيصل صديقي چيو ته اعتراض اٿاريو ويو ته پنجاب ۾ 10 مرلا جي پلاٽ جي مالڪي لڪايو ويو، اعتراض ڪيو ويو ته 10 مرلا جو پلاٽ 20 نومبر 2023 تي خريد ڪيو ويو، منهنجي موکل ڪڏهن به اهڙو پلاٽ ناهي خريد ڪيو. ان وقت هو جيل ۾ هو، اسان جو ٻيو دليل اهو آهي ته اثاثا ظاهر ڪرڻ جي ايندڙ ڪٽ آف تاريخ 30 جون 2024 آهي.جسٽس اطهر من الله چيو ته اليڪشن ايڪٽ جي اهڙي تشريح ڪئي وڃي ته جيئن ماڻهو پنهنجي حق کان محروم نه رهن.جسٽس جمال خان مندوخيل چيو ته ملڪيتون طلب ڪرڻ جو مقصد کٽڻ کان اڳ ۽ پوءِ اثاثا ڏسڻ آهي، جيڪڏهن توهان پلاٽ جي مالڪي کان انڪار ڪري رهيا آهيو ته ٺيڪ آهي.پرويز الاهي جي وڪيل فيصل صديقي چيو ته ڦليلي ۾ پلاٽ وٺڻ جي تاريخ تڏهن مقرر ڪئي وئي جڏهن پرويز الاهي جيل ۾ هو، پرويز الاهي پهريون ڀيرو اليڪشن نه وڙهي رهيو آهي، هو ٻه ڀيرا وڏو وزير رهيو آهي.جسٽس اطهر من الله چيو ته پلاٽ تي اعتراض ان وقت ڪيا ويا جڏهن جج فيصلو ڪيو ته پلاٽ فلاڻي شخص جو آهي.پرويز الاهي جي وڪيل فيصل صديقي چيو ته ساڳئي وقت پرويز الاهي، مونس الاهي، قيصره الاهي جي غير اعلانيل ملڪيت سامهون آئي، آر او اسان کي چئلينج ڪرڻ جو فيصلو به ناهي ڪيو.جسٽس جمال مندوخيل چيو ته توهان خوش قسمت آهيو جو اوچتو توهان وٽ اضافي ملڪيت آهي، توهان اها اضافي ملڪيت ڪنهن خيراتي اداري کي ڏيو.پرويز الاهي جي وڪيل فيصل صديقي چيو ته مان چوان ٿو ته حڪومت کي ان پراپرٽي تي ڪو اعتراض آهي ته رکي.جسٽس اطهر من الله چيو ته پرويز الاهي خلاف اعتراض بعد ۾ حل ٿي سگهن ٿا.پرويز الاهي جي وڪيل فيصل صديقي چيو ته جيڪڏهن عدالت اها وضاحت ڏئي ته مستقبل ۾ اهڙا احمقانه اعتراض نه اٿاريا وڃن.جسٽس جمال مندوخيل رمارڪس ڏنا ته ڪو ٻيو رستو ڳوليندو، عدالت ۾ کلائي کلڻ لڳو.سپريم ڪورٽ آف پاڪستان اليڪشن ٽربيونل جو فيصلو ڪالعدم قرار ڏيندي چوڌري پرويز الاهي کي اليڪشن وڙهڻ جي اجازت ڏئي ڇڏي. سپريم ڪورٽ پرويز الاهي کي پي پي 32 گجرات جي تڪ تان چونڊ وڙهڻ جي اجازت ڏئي ڇڏي آهي. فيصلي کانپوءِ پرويز الاهي قومي اسيمبلي جي 2 سيٽن جي حد تائين اپيلون واپس وٺي ڇڏيون.
