ڪراچي (اسٽاف رپورٽر) سنڌ جي گورنر ڪامران ٽيسوري چيو آهي ته سڪيورٽي گارڊن جي گهٽ ۾ گهٽ پگهار 20 هزار هجڻ گهرجي، اهي 12 يا 15 هزار تي نٿا هلي سگهن.ميڊيا سان ڳالهائيندي سنڌ جي گورنر چيو ته بزرگن جي مدد سان هر وقت طوفان ٽٽي ويندا آهن، اسان معاشي بحران ۾ ڦاسي پيا آهيون، معاشي بحران جي بهتري لاءِ دعائون ڪيون آهن، ايندڙ ڪجهه مهينن ۾ پاڪستان جي معيشت بهتر ٿيندي. بهتر ڪرڻ جاري رهندو. هن چيو ته ٻوڏ سبب ڪيترن ئي هنڌن تي پاڻي بيٺل آهي، دعائون اسان کي هن معاشي بحران مان ڪڍي سگهن ٿيون. وزيراعظم ۽ اسحاق ڊار بهترين حڪمت عملي سان ملڪ کي ڊفالٽ ٿيڻ کان بچايو. اسان کي ڪجهه ڪرڻ گهرجي ته جيئن ملڪ پنهنجي پيرن تي بيٺو.
