ڪراچي(اسٽاف رپورٽر) سنڌ هاءِ ڪورٽ سوشل ميڊيا پليٽ فارم تان فحش مواد هٽائڻ جو حڪم ڏئي ڇڏيو آهي.چيف جسٽس سنڌ هاءِ ڪورٽ ڪراچي ۾ فيملي وي لاگنگ جي نالي تي سوشل ميڊيا تي فحش مواد جي موجودگي واري ڪيس جي ٻڌڻي ڪئي. عدالت حسن بيگ جي درخواست تي لکت ۾ حڪم جاري ڪيو، جنهن ۾ چيف جسٽس سنڌ هاءِ ڪورٽ فيس بڪ، ٽڪ ٽاڪ، يوٽيوب، سنيپ چيٽ ۽ ٻين ايپس تان غير اخلاقي مواد تي فوري ڪارروائي جو حڪم ڏنو آهي. عدالت وفاقي حڪومت ۽ ٻين کي 20 فيبروري تائين ڪارروائي ڪري رپورٽ پيش ڪرڻ جو حڪم ڏئي ڇڏيو.عدالت چيو ته وفاقي حڪومت ۽ ٻيا 20 فيبروري تائين ڪارروائي ڪري رپورٽ پيش ڪن.
