ڪراچي (اسٽاف رپورٽر) سنڌ اسيمبليءَ جو اجلاس ڊپٽي اسپيڪر انتھوني نويد جي صدارت هيٺ ٿيو، جنهن ۾ مختلف اهم بل منظور ڪيا ويا.اجلاس ۾ قانون واري وزير ضياءُ الحسن لنجار سنڌ بلڊ ٽرانسفيوژن ايڪٽ ۾ ترميمي بل پيش ڪيو، جنهن کي ايوان منظور ڪري ورتو.اجلاس ۾ جناح پوسٽ گريجوئيٽ ميڊيڪل سينٽر (JPMC) ۽ نيشنل انسٽيٽيوٽ آف چائلڊ هيلٿ (NICH) سان لاڳاپيل بل پڻ پيش ڪيو ويو، جنهن تحت ٻنهي ادارن جي ريگيوليشن ۽ مينيجمينٽ بابت قانون سازي ڪئي وئي. بل موجب ٻنهي اسپتالن جو مڪمل ڪنٽرول صوبائي حڪومت وٽ هوندو.سنڌ اسيمبليءَ پرائيويٽ سيڪيورٽي ڪمپنين، پرائيويٽ گارڊن ۽ سيڪيورٽي انسٽيٽيوٽس جي ريگيوليشن بابت بل پڻ منظور ڪري ورتو.وڌيڪ برآنيون (ان کان علاوه)، ميڊيڪل اينڊ ڊينٽل ايجوڪيشن سان لاڳاپيل بل پڻ ايوان ۾ پيش ڪيو ويو، جنهن تحت ”سنڌ ميڊيڪل اينڊ ڊينٽل ايجوڪيشن ڪائونسل“ جي قيام جي منظوري ڏني وئي.اجلاس ۾ سنڌ ورڪرز ويلفيئر فنڊ بل پڻ پيش ڪيو ويو، جنهن کي متفقہ طور تي منظور ڪيو ويو.
