ڪنڌڪوٽ(رپورٽ:غالب بلوچ)سنڌ رورل سپورٽ آرگنائيزيشن ڪنڌڪوٽ پاران ھڪ ڪروڙ پنجاھ لکن جي ماليت جا لوڊر رڪشا مستحقين ۾ تقسيم ڪرڻ لاء سرسو جي ضلع مينيجئر منظور حسين جلباڻي جي نگراني ھيٺ تقريب ڪوٺائي وئي جنهن ۾ مستحق عورتن ۽ سندن وارثن کي گھرائي لوڊر رڪشا ۽ ٻيو سامان سندن جي حوالي ڪيو ويو .
ان موقعي تي سرسو ڪشمور ضلع جي ضلعي مينيجئر منظور حسين جلباڻي ٻڌائيندي چيو ته گذريل مھيني ۾ سرسو پاران غريبن ۽ مستحقين ۾ اٽڪل 90 لک جي ماليت جا روزگار لاءِ رڪشا.کير وڪرو ڪرڻ جو سامان . موٽر سائيڪلون ۽ دڪان جي سامان سان گڏ ٻين روزگارن لاءِ سامان پڻ ڏنو ويو ۽ ھينئر ھڪ ڪروڙ 50 لکن جا پڻ لوڊر رڪشا.لوڊر موٽسائيڪلون ۽ چو پايو مال جي مد ۾ اڍائي ڪروڙ روپين جي لڳ ڀڳ پڻ ڏنا ويا جيڪي غريبن لاء روزگار جو ذريعو بڻجي سندن کي غربت جي لڪيرکان نڪرڻ لاء بھترين پليٽ فارم ڏنو ويو آھي.
ھن وڌيڪ چيو ته سرسو پاران ڪوشش ڪئي پئي وڃي ته ڪشمور ضلع اندر مستحقين جي وڌ کان وڌ مدد ڪندي کين انھن کي غربت واري احساس کان ٻاھر ڪڍي خود ڪفيل ڪجي.جڏھن ته ان موقعي تي سرسو افسران گل منگي.عاطف پٺاڻ ۽ ٻيا پڻ موجود ھئا.
