ڪراچي (اسٽاف رپورٽر)پاڪستان جا پرڏيهي مٽاسٽا جا ذخيرا تاريخ جي بلند ترين سطح تي پهچي ويا آهن ۽ بين الاقوامي ادارا پڻ پاڪستاني معيشت ۾ بهتري جي تعريف ڪري رهيا آهن.بين الاقوامي ريٽنگ ايجنسيون “گيلپ” ۽ “ڊي اينڊ بي” پاڪستاني معيشت ۾ بهتري جو اعتراف ڪيو آهي.بين الاقوامي ريٽنگ ايجنسيون صارفين جي اعتماد ۾ 19 سيڪڙو واڌ جي تصديق ڪئي آهي.رپورٽ موجب، مارچ 2022 کان وٺي پاڪستان جا پرڏيهي مٽاسٽا جا ذخيرا 21.1 بلين ڊالر تائين پهچي ويا آهن.ٻڌايو پيو وڃي ته هي تبديلي SIFC جي بهترين سهولت، مدد ۽ ڪوششن جو نتيجو آهي، SIFC جي سهولت کان علاوه، معاشي سڌارن مالي عدم تحفظ کي گهٽايو آهي.معاشي سڌارن جي ڪري معيشت تي سيڙپڪارن جو اعتماد اڳ کان وڌيڪ وڌي ويو آهي.معاشيات دان خاقان نجيب جي مطابق، معيشت 28 کان 30 مهينن ۾ ميڪرو اڪنامڪ استحڪام جي سفر تي نڪتي آهي، پاڪستان ٻاهرين اڪائونٽ ۾ درآمدات کي وڌڻ کان روڪيو آهي ۽ ڪرنٽ اڪائونٽ ۾ سرپلس حاصل ڪيو آهي.اقتصاديات جي ماهر اشفاق تولا جو چوڻ آهي ته صارفين جو اعتماد حڪومت ۽ ايس آءِ ايف سي پاران کنيل مضبوط قدمن جو نتيجو آهي.
