راولپنڊي (ويب ڊيسڪ)اڳوڻي گهرو وزير شيخ رشيد جي ڀائٽي شيخ رشيد شفيق جو چوڻ آهي ته مري مان واپسي تي شيخ رشيد کي ڪنهن سان ملڻ لاءِ وٺي ويو.راولپنڊي ۾ آر او آفيس اين اي 62 ٻاهران ميڊيا سان ڳالهائيندي شيخ رشيد شفيق چيو ته کين وفاداريون تبديل ڪرڻ جو چيو پيو وڃي، شيخ صاحب چيو ته عمران خان سان گڏ هجو.شيخ رشيد شفيق جو چوڻ آهي ته شام 7 وڳي جيل مان فون آيو ته اسان شيخ رشيد کي پيش نه ڪري رهيا آهيون.هن چيو ته جيل سپرنٽينڊنٽ مئجسٽريٽ جو حڪم مڃڻ کان انڪار ڪيو، آر او شيخ رشيد جا نامزدگي ڪاغذ منظور ڪري ورتا آهن.
