ڪراچي (اسٽاف رپورٽر) ڪراچي ۾ نيوي ڊاڪ يارڊ ۾ ڀارت خلاف آپريشن بنيان مارس جي ڪاميابي جو هڪ سال مڪمل ٿيڻ جي موقعي تي هڪ تقريب منعقد ڪئي وئي.تقريب ۾ سنڌ جي وڏي وزير مراد علي شاهه سميت اعليٰ سرڪاري ۽ فوجي شخصيتن شرڪت ڪئي. ان موقعي تي سيد مراد علي شاهه شهيدن جي يادگار تي گل رکيا.تقريب کي خطاب ڪندي سيد مراد علي شاهه چيو ته بنيان مارس، حق جي جنگ، هڪ واضح پيغام ڏنو ته ملڪ خلاف جارحيت جو جواب پوري طاقت سان ڏنو ويندو، ملڪ جا ماڻهو ۽ سڀئي سياسي قوتون فوجي قوتن سان ڪلهو ڪلهي ۾ ملائي بيٺيون آهن.سنڌ جي وڏي وزير چيو ته گذريل سال هن ڏينهن تي دنيا ڏٺو ته پاڪستاني فوجون ڪيتريون قابل آهن، دنيا جي ڪا به طاقت پاڪستاني فوجن سان مقابلو نٿي ڪري سگهي، بنيان مارس، حق جي جنگ هڪ واضح پيغام ڏنو آهي.هن چيو ته پاڪستان جي خودمختياري اسان لاءِ پهرين نمبر تي آهي، عوام پاڪستاني فوجن سان گڏ بيٺي آهي ۽ هميشه انهن سان گڏ بيٺي رهندي.مراد علي شاهه چيو ته شهيدن ۽ غازين جي وردي ۾، ڀارت ميدان ۾ شڪست کان پوءِ پروپيگنڊا جو سهارو ورتو ۽ اتي به نقصان برداشت ڪيو.سنڌ جي وڏي وزير وڌيڪ چيو ته پاڪستاني هڪ پرامن قوم آهن، جيڪڏهن خودمختياري جو مسئلو آيو ته انهن کي ڀرپور جواب ڏنو ويندو.
