اسلام آباد(ويب ڊيسڪ) توانائي واري وفاقي وزير خرم دستگير جو چوڻ آهي ته سامونڊي طوفان سبب بجلي جي فراهمي ۾ ڪو خلل ناهي آيو پر حفاظتي نقطه نظر کان بجلي بند ڪرڻي پوندي.اسلام آباد ۾ پريس ڪانفرنس ڪندي خرم دستگير چيو ته سنڌ جي ساحلي علائقن ۾ 2 هزار اهلڪار بجلي جي ڊسٽري بيوشن ڪمپنين کي موڪلي رهيا آهن، مان ۽ سيڪريٽري پاور شام جو ڪراچي پهچي رهيا آهيون.هن چيو ته ٺٽي، بدين ۽ سجاول ۾ هوائون زوردار آهن، جڏهن ته حيدرآباد اليڪٽرڪ سپلاءِ ڪمپني ۾ به اهڙي صورتحال ٿي سگهي ٿي، پر اها خبر ناهي ته طوفان جا ڪهڙا اثر پوندا. وفاقي وزير چيو ته ڪراچي ۾ ايل اين جي ٽرمينل متاثر آهي، پاور پلانٽس کي ڪوگاس جي فراهمي بند ٿي وئي آهي ۽ ايل اين جي جي امپورٽ به بند ٿي وئي آهي، لوڊشيڊنگ ۾ هڪ ڪلاڪ اضافو ٿيندو، حفاظتي نقطه نظر کان بجلي بند ڪرڻي پوندي، 15 کان 18 جون، جيئن ته صورتحال خراب ٿي سگهي ٿي، هوائون ٽرانسميشن لائين کي متاثر ڪنديون.هن وڌيڪ چيو ته گرمين ۾ 4 ڪلاڪن کان وڌيڪ لوڊشيڊنگ نه ٿيندي، وڌيڪ نقصان وارن علائقن ۾ به 4 ڪلاڪ لوڊشيڊنگ ٿيندي، گذريل سال بجلي جي طلب 30 هزار ميگاواٽ ٿي وئي، تربيلا مان بجلي جي پيداوار وڌائي ويندي. ڪوئلي پاور پلانٽس ۾ ڪو وڏو خلل نظر نٿو اچي.
