لنڊن (ويب ڊيسڪ)برطانيا جي علائقي بريڊفورڊ مان پاڪستاني ڄايون ٻه ڀينرون گم ٿي ويون آهن.ويسٽ يارڪشائر پوليس موجب گم ٿيل 13 ورهين جي اميره محمود ۽ سندس ڀيڻ 15 ورهين جي حارثه محمود جي ڳولا جاري آهي.پوليس جو چوڻ آهي ته گم ٿيل 15 ورهين جي هاريشا محمود کي آخري ڀيرو پنهنجي ننڍي ڀيڻ ايلرٽن، بريڊفورڊ ۾ ڏٺو ويو هو، جنهن کي ڳاڙهي نيري جينز، اڇي شرٽ ۽ ڪاري جيڪٽ پهريل هئي.ويسٽ يارڪشائر پوليس موجب 13 سالن جي اميره محمود کي آخري ڀيرو بريڊفورڊ ۾ لوئر گرينيج ڪميونٽي سينٽر جي ٻاهران پنهنجي ڀيڻ سان ڏٺو ويو هو، هن کي اسڪول جي ڪارو پتلون، اڇي قميص ۽ نيري ڪوٽ پهريل هئي.پوليس عوام کي اپيل ڪئي ته ٻنهي ڀينرن بابت ڪنهن کي به ڄاڻ هجي ته فوري طور تي پوليس کي اطلاع ڪري.
