ممبئي(ويب ڊيسڪ)هالي ووڊ ۾ مشهور رانديگر اڪشي ڪمار جي فٽنيس تي نه رڳو مداح حسد ڪري رهيا آهن پر ساٿي اداڪار به کانئس متاثر آهن، جنهن جو اعتراف اڀيشيڪ بچن ۽ رتيش ديشمڪ به ڪيو آهي. اڪشي اڄڪلهه پنهنجي نئين فلم ”بچن پانڊي“ جي پروموشن ۾ مصروف آهي، تازو ئي هن ان راز کان پردو هٽايو آهي ته هو اڃا تائين ايترو ڪم ڇو ٿو ڪري. 54 سالن جي اداڪار جو چوڻ هو ته مون کي حيرت ٿيندي آهي جڏهن ماڻهو پڇندا آهن ته توهان هن عمر ۾ به هڪ سال ۾ ايتريون فلمون ڪيئن ٺاهي سگهو ٿا؟ هن عمر ۾ ڪم ڪرڻ منهنجي پسند آهي ڇو ته مون کي هڪ شوق آهي. اڪشي ڪمار چيو ته مان پئسن لاءِ ڪم نٿو ڪريان پر پنهنجي شوق جي ڪري ٻين اداڪارن کان وڌيڪ ڪم ڪريان ٿو، صبح جو سوير اٿڻ ۽ ڪم تي وڃڻ سٺو آهي، جيڪڏهن توهان روزانو ڪم ڪري رهيا آهيو ته قدرتي طور تي توهان کي فلمن جي آڇ ٿيندي آهي. اداڪار چيو ته ماڻهو چون ٿا ته ڪووڊ جي ڏينهن ۾ به ڪم ڪيو پر انهن ڏينهن ۾ سڀني کي پئسن جي ضرورت هئي، ان وقت پوليس اهلڪارن سميت ڊاڪٽرن، ميڊيا سڀني پنهنجي حصي جو ڪم ڪيو. بالي ووڊ ۾ سڀ کان وڌيڪ معاوضو وٺندڙ اداڪار اڪشي جو چوڻ هو ته ”مون وٽ اڄ زندگيءَ ۾ سڀ ڪجهه آهي، مان بغير پئسا ڪمائڻ جي گهر ۾ ويهي کائي سگهان ٿو، پر پوءِ به مون کي ڪم ڪرڻ جو شوق آهي“. ”جنهن ڏينهن مون کي ڪم ۾ وڌيڪ دلچسپي نه رهي، مان پنهنجي ڪم ۽ صنعت کي الوداع چوندس،“ واضح رهي ته اڪشي جي نئين فلم بچن پانڊي هن مهيني جي 18 تاريخ تي رليز ٿيندي جنهن ۾ هن کان علاوه اداڪارا ڪريتي سينن، بوبي ديول، ارشد وارثي ۽ جيڪلين فرنينڊس شامل آهن.
