اسلام آباد (بيورو رپورٽ) پاڪستان جي پرڏيهي کاتي جي ترجمان زاهد حفيظ چوڌري چيو آهي ته آمريڪا کي ملڪ ۾ زميني فوجي اڏا يا ايئر بيس استعمال ڪرڻ جي اجازت ناهي ڏني. جاري ڪيل بيان ۾ هن چيو ته ان ڏس ۾ جيڪي به خبرون هلن پيون اهي بيبنياد ۽ غير ذميوارانه آهن. هن ٽوئيٽ پڻ ڪئي آهي. هن چيو ته آمريڪا ۽ پاڪستان ۾ 2001 ۾ زميني ۽ فضائي رستن بابت جيڪو معاهدو ڪيو ويو هو ان مطابق عمل ڪيو پيو وڃي. ياد ريه ته پينٽاگون جي دفاع بابت اسسٽنٽ سيڪريٽري آمريڪي پارليمان جي ڪميٽي کي بريفنگ ۾ ٻڌايو هو ته پاڪستان جو افغانستان ۾ امن لاءِ اهم ڪردار آهي ۽ هو آمريڪي فوج جي واپسي بعد آمريڪا سان تعاون ڪندو، زميني رستن ۽ فضائي حدن جي استعمال جي اجازت ڏيندو.
