ٿاڻي ۾ اي ايس آءِ کي ڪٽڪو ڏيندڙ پي پي اڳواڻ گرفتار

لاڙڪاڻو(بيورو رپورٽ) ايس ايس پي مسعود بنگش ٻڌايو آهي ته ٿاڻي ۾ اي ايس آءِ کي پي پي اڳواڻ پاران ڪٽڪو ڏئي وردي ڦاڙڻ جو نوٽيس وٺندي ايس ايڇ او کي معطل ڪندي پي پي اڳواڻ کي گرفتار ڪيو آهي. گذريل ڏينهن وليد ٿاڻي تي ايس ايڇ او جي موجودگي ۾ پي پي اڳواڻ ذوالفقار جکراڻي اي ايس آءِ اصغر مغيري کي مار ڪُٽ ڪئي هئي ۽ جوابدار شراب جي بوتلن سميت ٿاڻي تان ڇڏائي ويو هو.

Accuse Zulifqar Jakhrani, screen shot

متاثر اي ايس آءِ ويڊيو رڪارڊ ڪري وائرل ڪئي هئي ۽ ڪاروائي نه ٿيڻ جي صورت ۾ خودڪشي جي ڌمڪي ڏني هئي. هن زهر کائڻ جي ڪوشش ڪئي جنهن کي ڳڻتي جوڳي حالت ۾ اسپتال داخل ڪيو ويو هو رات کان سندس موت جون خبرون هلي رهيون هيون. ڊي آءِ جي لاڙڪاڻو نوٽيس ورتو جنهن بعد ايس ايس پي سرگرم ٿيو ۽ جوابدار کي گرفتار ڪري ورتو ۽ سندس چوڻ آهي ته اهلڪار زنده ۽ ٺيڪ آهي.

Asghar Mugheri ASI, screen shot

اصغر مغيري چيو هو ته هن موٽر سائيڪل سوار ٻن ڄڻن کي شراب جي ٻن بوتلن سميت گرفتار ڪيو هو جنهن تي جکراڻي مڇرجي پيو ۽ ٿاڻي ۾ کيس مار ڏني. هن چيو ته ايس ايڇ جوابدار خلاف ڪاروائي بدران کيس اهو چئي ماٺ ڪرائي ته هي سياسي ماڻهو آهن.

پهنجو تبصرو موڪليو