ڪراچي (اسٽاف رپورٽر)پاڪستان نيوي عربي سمنڊ ۾ اربين رپين جي منشيات ضبط ڪري دنيا ۾ پنهنجي پيشيوراڻي صلاحيت جو ثبوت ڏنو آهي، آمريڪي سينٽرل ڪمانڊ ڪامياب آپريشن تي پاڪستان نيوي کي خراج تحسين پيش ڪيو آهي. سينٽ ڪام هڪ بيان ۾ چيو آهي ته هي آپريشن سعودي جي اڳواڻي ۾ جوائنٽ ٽاسڪ فورس 150 سان لاڳاپيل پي اين ايس يرموڪ پاران ڪيو ويو، صرف 48 ڪلاڪن ۾ پاڪستان نيوي ٻن شڪي ٻيڙين مان ٻه ٽن ڪرسٽل ميٿ، 350 ڪلوگرام برف ۽ 50 ڪلوگرام ڪوڪين هٿ ڪئي، جن جي ڪل قيمت 972.4 ملين ڊالر هئي،رائل سعودي نيوي جي ڪمانڊر فهد الجويد هن ڪامياب آپريشن کي عالمي تعاون جي هڪ بهترين مثال قرار ڏنو.
