ڪراچي(ويب ڊيسڪ)ٽي ٽوئنٽي ورلڊ ڪپ جي ٻئي سيمي فائنل ۾ ڀارت انگلينڊ کي دلچسپ مقابلي کان پوءِ 7 رنز تان شڪست ڏئي فائنل لاءِ ڪواليفائي ڪري ورتو آهي.
انگلينڊ جي ٽيم ڀارت جي 254 رنز جي ٽارگيٽ جي تعاقب ۾ 246 رنز ئي ٺاهي سگهي. ممبئي ۾ کيڏي ويل ميچ ۾ انگلينڊ جي ڪپتان هيري بروڪ ٽاس کٽي ڀارت کي پهرين بيٽنگ جي دعوت ڏني.
ڀارت جي اننگز
ڀارت 20 اوورز ۾ 7 وڪيٽن جي نقصان تي 253 رنز ٺاهيون. ڀارت طرفان سنجو سيمسن 89 رنز ٺاهي نمايان رهيو. هن جو شروع ۾ ئي هيري بروڪس آسان ڪيچ ڊراپ ڪيو، جيڪو سندن لاءِ تباهه ڪن ثابت ٿيو.
ان کان علاوه شيوام دوبي 43، ايشان ڪشن 39، سوريا ڪمار يادو 11، هاردڪ پانڊيا 27 ۽ تلڪ ورما 21 رنز ٺاهيا. انگلينڊ طرفان ول جيڪس ۽ عادل راشد 2-2 وڪيٽون ورتيون.
انگلينڊ جي اننگز
انگلينڊ 254 رنز جي ٽارگيٽ جي تعاقب ۾ 20 اوورز ۾ 7 وڪيٽن تي 246 رنز تائين پهچي سگهيو. انگلينڊ طرفان جيڪب بيٿل 105 رنز جي شاندار اننگز کيڏي. ول جيڪس 35 ۽ جوز بٽلر 25 رنز ٺاهيون.
ڀارت طرفان هاردڪ پانڊيا 2 وڪيٽون ورتيون.
ٽي ٽوئنٽي ورلڊ ڪپ جو فائنل آچر 8 مارچ تي ڀارت ۽ نيوزيلينڊ جي وچ ۾ احمد آباد ۾ ٿيندو.
