ڪراچي (اسٽاف رپورٽر)جماعت اسلامي ڪراچي جي امير حافظ نعيم الرحمان ريجنل اليڪشن ڪميشن ۾ ميئر ڪراچي لاءِ نامزدگي فارم جمع ڪرائي ڇڏيا.ان موقعي تي ميڊيا سان ڳالهائيندي حافظ نعيم الرحمان چيو ته سڀاڻي سڄي پاڪستان ۾ احتجاج ڪرڻ وارا آهيون، سڀاڻي ڪراچي ۾ شاهراهه قائدين تي احتجاج ڪيو ويندو.هن چيو ته هو دنيا کي پيپلز پارٽي جو چهرو ڏيکارڻ وارا آهن، ميئر جي چونڊ کان اڳ قانون ۾ ترميم ڪئي وئي، اسان ترميم خلاف ڪيس داخل ڪيو، اسان کي يقين آهي ته عدالت ان ترميم کي رد ڪندي. حافظ نعيم الرحمان جو چوڻ آهي ته هي اليڪشن نه آهي، ڌانڌلي جو سلسلو هلي رهيو آهي، جيڪي به ڪندا سڀ ناڪام ٿيندا، اليڪشن ڪميشن وٽ هڪ موقعو آهي ته هو پنهنجي ساک بحال ڪري، هن وقت پيپلز پارٽي مڪمل ڪنٽرول ۾ آهي مير جماعت اسلامي ڪراچي چيو آهي ته ماڻهن جي گمشدگي جا ذميوار ادارا آهن، ڪا به جاءِ ناهي جتي کين انصاف ملي سگهي، اسان پنهنجي چونڊيل ماڻهن سان رابطا وڌائي رهيا آهيون، هن وقت پيپلز پارٽي اليڪشن ڪميشن کي يرغمال بڻائي رهي آهي. . ٿي ويو آهيسندس چوڻ آهي ته 1977ع ۾ به پيپلز پارٽي اقليت کي اڪثريت ۾ تبديل ڪرڻ جي ڪوشش ڪئي، 1971ع ۾ ملڪ ٽوڙيو پر مينڊيٽ کي تسليم نه ڪيو، وفاق کان وسيلا ته حاصل ڪيا پر اهي مقامي نمائندن کي نه ڏنا ويا. ٻه اڍائي سال گذري ويا، چونڊون نه ٿيون، پوءِ به اسان مقابلو ڪندا رهياسين.حافظ نعيم الرحمان چيو ته ڪراچي ۾ پاڪستان تحريڪ انصاف ۽ جماعت اسلامي 9 لک ووٽن سان اڳتي آهن، جڏهن ته پيپلز پارٽي 3 لک ووٽن سان ٽئين نمبر تي آهي، ان ڳالهه جو اعتراف آهي ته هن وقت ماڻهن جي زمينن تي قبضو ڪيو پيو وڃي. .
