اسلام آباد(بيورو رپورٽ)اڳوڻي وزيراعظم شاهد خاقان عباسي جو چوڻ آهي ته صدر ۽ وزيراعظم نيب جا گريجوئيٽ آهن، ٻنهي جو گهڻو وقت نيب جيلن ۾ گذريو آهي.اسلام آباد جي احتساب عدالت ٻاهران ميڊيا سان ڳالهائيندي هن چيو ته نيب عدالتن ۾ منهنجو پنجون سال شروع ٿي ويو آهي، اڳ ۾ 9 سال لڳندا هئا، هاڻي 5 سال لڳي ويا آهن.شاهد خاقان عباسي چيو ته جيڪڏهن سمورا وڏا وزير جيل نه ويا پر نيب جي جاچ ۾ ملوث ٿيا ته نيب جا قانون واپس وٺڻ حڪومت جي ذميواري آهي.هن چيو ته نيب جو تماشو ختم ٿيڻ گهرجي، ملڪ جو ڪو آفيسر ڪم ڪرڻ لاءِ تيار ناهي، هو نيب کان ڊڄن ٿا، ٻڌو آهي ته ن ليگ چيو آهي ته نيب کي ختم ڪري ڇڏينداسين.اڳوڻي وزيراعظم جو چوڻ هو ته نيب ڪيس جيئن ئي ٺهن ٿا ختم ٿي سگهن ٿا، نيب جو ادارو ٺاهيو ويو پر ان مان عوام کي فائدو نه ٿيو، بدقسمتي سان حڪومت عوام کي نه ٻڌائي ته مهانگائي ڇو ٿي.شاهد خاقان عباسي اهو به چيو آهي ته هو مريم نواز جي پنجاب جي وڏي وزير جي عهدي بابت ڪجهه چوڻ نٿو چاهي.
