سام سنگ گليڪسي ايس 11 فون 18 فيبروري تي متعارف ٿيندو

ڪراچي (ويب ڊيسڪ) سام سنگ جي نئين فليگ شپ فون گليڪسي ايس 11 سيريز جو فون ۽ نئون فولڊ ايبل فون 18 فيبروري تي متعارف ڪرايو ويندو. اهڙي دعويٰ سام سنگ فون جي حوالي سان ليڪس ڪرڻ لاءِ مشهور ٽوئيٽر صارف آئس يونيورس هڪ ٽوئيٽ ۾ ڪيو آهي. ٽوئيٽ مطابق سام سنگ طرفان گليڪسي ايس 11 ۽ نئون ڪامشيل فولڊ ايبل فون کي فرانسڪو ۾ 18 فيبروري تي هڪ تقريب دوران متعارف ڪرائي سگهجي ٿو.اهو فون بارسلونا ۾ شيڊول موبائل ورلڊ ڪانگريس کان ڪجهه ڏينهن اڳ متعارف ڪرايو ويندو جهڙي طرح هن سال گليڪسي ايس 10 ۽ گليڪسي فولڊ کي هن ايونٽ کان پهرين 21 فيبروري تي پيش ڪيو ويو هو. گليڪسي ايس 11 فون حوالي سان ڪافي ليڪس پهرين ئي سامهون اچي چڪيون آهن ۽ ان جون ممڪنه تصويرون به ليڪ ڪيو ويون آهن. هن ڀيري فون ۾ بيٽريون گذريل سال جي فون جي مقابلي ۾ وڏيون هونديون جڏهن ته پهريون ڀيرو اها ڪمپني بيڪ 108 ميگا پڪسل ڪيمرا متعارف ڪرائيندي ۽ مجموعي طور تي 4 ڪيمرائن جو سيٽ اپ هوندو جنهن ۾ 5 ايڪس آپٽيڪل زوم جو فيچر به شامل هوندو. فرنٽ تي گليڪسي نوٽ 10 سيريز طرح هول ڊيزائن ۾ سيلفي ڪيمرا ڏنو ويندو ۽ 120 ريفريش هرٽز ڊسپلي ڏيڻ جو به امڪان آهي. فون اندر اسنيپ ڊراگون 865 يا ايڪسينوس 9380 پراسيسر موجود هوندو جيڪو 12 جي بي ريم ۽ 512 جي بي اسٽوريج تائين جا آپشن به ڏنا ويندا. جيتري قدر فولڊ ايبل فون جي ڳالهه آهي ته ان باري ۾ وڌيڪ تفصيل في الحال سامهون نه اچي سگهيا آهن صرف ڪمپني طرفان هڪ ڪانسيپٽ ڊيزائن موجود آهي جيڪو موٽرولا ريزر جي فون جهڙو لڳي ٿو. اهو چيو پيو وڃي ته ان جي قيمت گليڪسي فولڊ جي مقابلي ۾ تمام گهٽ هوندي ۽ 1 هزار ڊالر تائين ٿي سگهي ٿي.

پهنجو تبصرو موڪليو