ڪراچي (اسٽاف رپورٽر) سنڌ هاءِ ڪورٽ ڪراچي مان سياسي اڳواڻن جا سائن بورڊ ۽ هورڊنگز هٽائڻ جو حڪم جاري ڪري ڇڏيو. سنڌ هاءِ ڪورٽ ۾ عوامي هنڌن تي بل بورڊن ۽ هورڊنگز تي پابندي جي ڪيس جي ٻڌڻي ٿي، جنهن دوران ڪي ايم سي ۽ ڪنٽونمينٽ جا وڪيل عدالت ۾ پيش ٿيا. عدالت وڪيلن سان مڪالمو ڪندي چيو ته هي مهذب ماڻهن جو شهر آهي يا جهنگ؟ ڪراچي کي جهنگ نه بڻايو، اسان شهر ۾ ايندڙن کي ڇا ٻڌائڻ چاهيون ٿا؟پوءِ عدالت شهر مان سياسي اڳواڻن جي سائن بورڊ ۽ هورڊنگز هٽائڻ جو حڪم ڏئي ڇڏيو. عدالت چيو ته اليڪشن ڪميشن ۽ شهري انتظاميا سياسي اڳواڻن خلاف ڪارروائي ڪري، بل بورڊن تي جنهن سياسي اڳواڻ جي تصوير هجي، ان خلاف ڪيس داخل ڪيو وڃي.
