اسلام آباد (بيورو رپورٽ) راولپنڊي جي باراني يونيورسٽي 26 اپريل تائين بند ڪئي وئي آهي، هڪ نوٽيفڪيشن پڻ جاري ڪيو ويو آهي.نوٽيفڪيشن موجب، سيڪيورٽي سببن جي ڪري يونيورسٽي جو مکيه ڪيمپس 26 اپريل تائين بند رهندو ۽ يونيورسٽي ۾ تدريسي عمل آن لائن هوندو.انتظاميا جي هدايتن تي، هاسٽلن ۾ شاگردن کي هدايت ڪئي وئي آهي ته اهي فوري طور تي پنهنجا ڪمرا خالي ڪن.نوٽيفڪيشن موجب، استادن ۽ عملي کي گهر کان ڪم ڪرڻ جي هدايت ڪئي وئي آهي.ان کان علاوه، انٽرنيشنل اسلامڪ يونيورسٽي آف اسلام آباد جون سڀئي ڪلاسون 20 کان 24 اپريل تائين آن لائن هونديون، جڏهن ته 20 ۽ 21 اپريل جا مڊ ٽرم امتحان ملتوي ڪيا ويا آهن.ٻئي طرف، اسلام آباد جي ضلعي انتظاميا جو چوڻ آهي ته اسلام آباد ۾ دڪان يا بس اسٽينڊ بند ڪرڻ جو ڪو به حڪم جاري نه ڪيو ويو آهي، ۽ ان حوالي سان حڪم جاري ٿيڻ تي اڳواٽ اطلاع ڏنو ويندو.
