امپائر جون ڳالهيون ٿين پيون، بلاول سٺو کيڏندو: مراد علي شاهه

سيوهڻ (رپورٽر) سيد مراد علي شاهه ووٽ ڪاسٽ ڪرڻ بعد پيپلز پارٽي جي ڪاميابي جي اميد جو اظهار ڪيو. هن چيو ته انشاءَ الله اڄ عام چونڊن ۾ پيپلز پارٽي سڀ کان وڌيڪ ووٽ کڻي ملڪ کي مسئلن مان ڪڍڻ جو مشن جاري رکندي.هن چيو ته پولنگ شروع ٿيندي ئي ماڻهن جون قطارون لڳي ويون آهن ۽ ماڻهو پرامن طريقي سان ووٽ جو حق استعمال ڪري رهيا آهن. هن دعا ڪئي ته سڄي پاڪستان ۾ چونڊون امن امان سان ٿين ۽ ڪو به اڻوڻندڙ واقعو پيش نه اچي.هن چيو ته ڪالهه جو واقعو ٿيو، قيمتي جانيون ضايع ٿيون. هن سمورين سياسي پارٽين کي گذارش ڪئي ته اڄوڪو ڏينهن پرامن طريقي سان گذارين ۽ ووٽرن کي پنهنجي پسند جي اميدوار کي ووٽ ڏيڻ جو حق حاصل آهي.هن چيو ته اليڪشن ڪميشن چونڊن لاءِ سٺيون ڪوششون ڪيون آهن. ڪجهه اعتراض هئا. عوام کي ڪنهن به قسم جو مونجهارو نه هئڻ گهرجي.هن چيو ته اڄ موبائيل فون سروس به معطل آهي، ان ڪري اليڪٽرڪ جي انتظامن ۾ فرق اچي سگهي ٿو.هن چيو ته بلاول ڀٽو عوام جي وچ ۾ رهيو آهي. نواز شريف سامهون اچڻ بدران ميڊيا آڏو پنهنجا نمائندا موڪليندو هو. بلاول ڀٽو پنهنجو موقف سٺي نموني پيش ڪيو. بلاول ڀٽو ئي هن ملڪ کي مسئلن مان ڪڍي سگهي ٿو.هن چيو ته امپائر جي ڳالهه ڪئي وڃي ٿي، بلاول ڀٽو بهترين رانديگر آهي. ماڻهو امپائر آهن، عوام کي فيصلو ڪرڻو آهي، هو امپائر آهن ۽ اهي ئي فيصلو ڪندا.

پهنجو تبصرو موڪليو