اسلام آباد (بيورو رپورٽ) ڪويت پيٽروليم ڪارپوريشن ڪويت کان پاڪستاني جهنڊي وارن جهازن تائين ڊيزل ۽ جيٽ فيول جي ممڪن ترسيل لاءِ مڪمل سهولتون ڏيڻ جو يقين ڏياريو آهي.وفاقي وزير پيٽروليم علي پرويز ملڪ ڪويت جي سفير ناصر عبدالرحمان جاسم المطيري سان ملاقات ڪئي.پيٽروليم ڊويزن موجب، ڪويت پيٽروليم ڪارپوريشن ڪويت کان پاڪستاني جهنڊي وارن جهازن تائين ڊيزل ۽ جيٽ فيول جي ممڪن ترسيل لاءِ مڪمل سهولتون ڏيڻ جو يقين ڏياريو آهي.وفاقي وزير پيٽروليم علي پرويز ملڪ چيو ته هو ڪويت پيٽروليم ڪارپوريشن کان هن سهولت لاءِ شڪرگذار آهي.هن موقعي تي، ڪويت جي سفير چيو ته ڪويت پاڪستان جي مدد جاري رکندو. پيٽروليم وزير چيو ته عالمي ۽ علائقائي چئلينجن جي باوجود، هو ڪويت جي پاڪستان لاءِ مسلسل مدد جي تعريف ڪري ٿو. هن چيو ته گذريل 50 سالن کان، پاڪستان ڪويت کان پيٽروليم مصنوعات، خاص طور تي ڊيزل خريد ڪري رهيو آهي، جيڪو ٻنهي ملڪن جي وچ ۾ اعتماد ۽ ڀائيواري جو مظهر آهي.وفاقي وزير چيو ته وزيراعظم شهباز شريف تڪرارن جي پرامن حل کي آسان بڻائڻ ۾ سرگرم ڪردار ادا ڪري رهيو آهي.ڪويت جي سفير چيو ته هو امن کي فروغ ڏيڻ ۾ پاڪستان جي تعميري ڪردار لاءِ خلوص دل سان شڪرگذار آهي.
