ڪراچي(اسٽاف رپورٽر) ايڇ بي ايل پاڪستان سپر ليگ (پي ايس ايل) 10 جي ٽئين ميچ ۾ ڪراچي ڪنگز ملتان سلطانز کي شڪست ڏئي ڇڏي. ڪراچي ڪنگز 235 رنسن جو هدف آخري اوور ۾ 6 وڪيٽن جي نقصان تي حاصل ڪيو ۽ ملتان سلطانز کي 4 وڪيٽن تان شڪست ڏني.ڪراچي ۾ کيڏيل ميچ ۾ ڪراچي ڪنگز ٽاس کٽي فيلڊنگ جو فيصلو ڪيو ۽ ملتان سلطانز کي بيٽنگ جي دعوت ڏني. ملتان سلطانز لاءِ ڪپتان محمد رضوان ۽ هوپ اننگز جي شروعات ڪئي ۽ پهرين وڪيٽ لاءِ 55 رنسن جي ڀائيواري ڪئي، پر هوپ 8 رنسون ٺاهڻ کان پوءِ آئوٽ ٿي ويو. ان کان پوءِ عثمان خان به 19 رنسون ٺاهڻ کان پوءِ پويلين موٽي ويو.رضوان هن ايڊيشن جي پهرين سينچري اسڪور ڪرڻ ۾ ڪامياب ٿيو، 105 رنسن جي ناقابلِ شڪست اننگز کيڏي. محمد رضوان اها اننگز 63 بالن تي پنج ڇڪن ۽ 9 چوڪن جي مدد سان کيڏي. ڪيوي آل رائونڊر مائيڪل بريس ويل 17 بالن تي 44 رنسون ٺاهيون، جڏهن ته ڪامران غلام 36 رنسون ٺاهيون.ملتان سلطانز مقرر 20 اوورن ۾ 3 وڪيٽن جي نقصان تي 234 رنسون ٺاهيون. ڪراچي ڪنگز پاران حسن علي، عباس آفريدي ۽ خوشدل شاهه هڪ هڪ وڪيٽ ورتي. ملتان سلطانز جي 235 رنسن جي هدف جي پويان، ڪراچي ڪنگز پنهنجون پهرين چار وڪيٽون 79 رنسن تي وڃائي ڇڏيون، پر جيمس ونس ۽ خوشدل شاهه جارحاڻي راند کيڏي. پنجين وڪيٽ لاءِ 142 رنسن جي ڀائيواري قائم ڪئي وئي ۽ جيمس ونس هڪ فاتحانه سينچري اننگ کيڏي ۽ 101 رنسن تي آئوٽ ٿي ويو. ڪراچي ڪنگز آخري اوور ۾ 6 وڪيٽن جي نقصان تي 235 رنسن جو هدف حاصل ڪيو ۽ ملتان سلطانز کي 4 وڪيٽن تان شڪست ڏني.خوشدل شاهه 60 رنسون ٺاهي نمايان رهيو. ملتان سلطانز پاران عاڪف جاويد 3 وڪيٽون حاصل ڪيون.
