لاهور (ويب ڊيسڪ)لاهور هاءِ ڪورٽ پنجاب اسيمبلي ٽوڙڻ واري درخواست کي رد ڪري ڇڏيو.جسٽس شاهد ڪريم لاهور هاءِ ڪورٽ ۾ ٽوبه ٽيڪ سنگهه جي شهري پاران پنجاب اسيمبلي ٽوڙڻ کان روڪڻ لاءِ داخل درخواست تي ٻڌڻي ڪئي.هن درخواستگذار جي وڪيل کان پڇيو ته هي ڪهڙي قسم جي درخواست آهي؟ جواب ۾ درخواستگذار جي وڪيل چيو ته پنجاب اسيمبلي جي ممڪنه ٽوڙڻ خلاف درخواست داخل ڪئي وئي آهي.جسٽس شاهد ڪريم وڪيل جو جواب ٻڌو ۽ چيو ته پنجاب اسيمبلي جي ممڪنه ٽوڙڻ ۾ اوهان جو ڪهڙو مسئلو آهي؟ وڪيل جواب ڏنو ته درخواستگذار اها درخواست عوامي مفاد ۾ داخل ڪئي آهي.جسٽس شاهد ڪريم چيو ته اهڙيون غير ضروري درخواستون داخل ڪري عدالت جو وقت ڇو ضايع ڪيو وڃي؟هن ڪاوڙ جو اظهار ڪندي چيو ته توهان درخواست واپس وٺو، ٻي صورت ۾ عدالت توهان تي وڏو ڏنڊ لاڳو ڪندي.فيصلو ٻڌڻ بعد درخواستگذار درخواست واپس وٺي ڇڏي.
