پشاور (ويب ڊيسڪ)پاڪستان تحريڪ انصاف (پي ٽي آءِ) جي اڳواڻ مزمل اسلم چيو آهي ته وفاقي ۽ پنجاب حڪومتون ٻوڏ متاثرين جا مسئلا حل ڪرڻ ۾ ناڪام ٿي ويون آهن.هڪ بيان ۾، هن چيو ته خيبرپختونخواهه حڪومت زرعي نقصانن جو معاوضو ادا ڪيو آهي، 2025 ۾ ٻوڏ سبب ملڪ ۾ 40 لک ماڻهو بي گهر ٿيا ۽ ڪل معاشي نقصان جو اندازو 822 ارب رپيا لڳايو ويو آهي.مزمل اسلم چيو ته انگن اکرن موجب پنجاب ۾ 631 ارب رپيا، خيبرپختونخواهه ۾ 51 ارب رپيا ۽ سنڌ ۾ 32 ارب رپيا نقصان ٿيو.پي ٽي آءِ اڳواڻ چيو ته ڪپهه جون 30 لک کان 34 لک ڳنڍيون ۽ ڪمند جي 13 لک کان 33 لک ٽن پيداوار متاثر ٿي، جڏهن ته چانورن جي پيداوار 6 لک کان 12 لک ٽن گهٽجي وئي.مزمل اسلم خبردار ڪيو ته ٻوڏ جي نقصان جي ڪري برآمدات ۾ گهٽتائي ۽ درآمدات ۾ اضافو ٿيندو، جنهن جي نتيجي ۾ ملڪ جي جي ڊي پي ۾ تقريبن 1 سيڪڙو گهٽتائي جو امڪان آهي.
