لاهور(ويب ڊيسڪ) وزيراعظم محمد شهباز شريف ٻن ڏينهن جي دوري تي سعودي عرب پهچي ويو آهي. هو سومر تي رياض ۾ جاري عرب اسلامي سربراهي اجلاس ۾ شرڪت ڪندو. سندس 10 رڪني وفد ۾ راڻا ثناءٌ الله ۽ طارق فاطمي به شامل آهن. وزيراعظم لاهور جي پراڻي هوائي اڏي تان خصوصي جهاز ذريعي رياض روانو ٿيو. جاري ڪانفرنس ۾ پرڏيهي وزير اسحاق ڊار اڳ ۾ ئي پهتل آهي، جنهن خطاب ۾ چيو ته اسلامي دنيا کي رڳو اسرائيل جي مذمت نه ڪرڻ گهرجي پر او آءِ سي جي پليٽ فارم تان فوري جنگبندي لاءِ ۽ اسرائيل کي جنگي ڏوهن جو ذميوار قرار ڏيارڻ لاءِ اپاءَ وٺڻ گهرجن ۽ جنگ زده فلسطينين جي مدد ڪرڻ گهرجي.
