ڪراچي(ويب ڊيسڪ)جرمني جو قدامت پسند اڳواڻ غير متوقع طور تي پارليامينٽ ۾ اڪثريت حاصل ڪرڻ ۾ ناڪام رهيو پر ٻيهر ووٽنگ ۾ 325 ووٽ کڻي ڪامياب ٿي ويو. فريڊرِش ميرٽس کي 630 سيٽن واري ايوان ۾ اڪثريت لاءِ 316 ووٽن جي ضرورت هئي، پر پهرين ووٽنگ ۾ کيس رڳو 310 ووٽ مليا، جيڪو ڪرِسچن ڊيموڪريٽ اڳواڻ لاءِ هڪ وڏو ڌچڪو هو. خاص طور تي ٻن مهينن کان وڌيڪ وقت بعد جڏهن هن جرمني جي وفاقي چونڊن ۾ ڪاميابي حاصل ڪئي هئي ۽ سومر تي هن جي مرڪزي کاٻي ڌُر سان ٺاهيل اتحاد وٽ پارليامينٽ ۾ ڪافي سيٽون آهن، پر لڳي ٿو ته 18 ايم پي جن کي سندس حمايت ڪرڻي هئي، انهن کيس ووٽ نه ڏنو. 1949 کانپوءِ اهو پهريون ڀيرو آهي ته اڪثريتي اتحاد باوجود ميرٽس گهربل اڪثريت حاصل ناهي ڪري سگهيو. جرمني جي آئين موجب اها ليڊر جي چوائس آهي ته ساڳئي ڏينهن ٻيهر ووٽنگ ڪرائي يا عوامي ايوان ٻن هفتن بعد کيس چونڊي. هن اڄ ئي ٻيهر ووٽنگ جو آپشن استعمال ڪيو ۽ گهربل ووٽن کان 9 ووٽ مٿي کڻي چانسلر چونڊجي ويو. جرمني جي آئين مطابق ووٽنگ لاءِ ڪا حد مقرر ناهي، پر آخرڪار جيڪڏهن مڪمل اڪثريت حاصل نه ٿئي، تڏهن به اميدوار کي چونڊيو وڃي ٿو. سياستدانن جي تجزيي مطابق، ميرٽس جي ناڪامي کي تذليل سمجهيو پيو وڃي، جنهن جو امڪان آهي ته اهو جهٽڪو کيس سماجي ڊيموڪريٽ پارٽي SPD جي ڪجهه ناراض ميمبرن ڏنو هجي، جيڪي سومر ٿيل اتحاد واري فيصلي تي خوش نه هئا. SPD ۾ هر ڪو انهيءَ معاهدي کان خوش ناهي، پر ميرٽس جي ناڪامي تاريخي آهي، جيڪا سندس لاءِ وسارڻ ڏکيو ٿيندو. 1949 کان وٺي ڪو به اميدوار اهڙي طرح ناڪام ناهي ٿيو. اڱاري جي ووٽ سان پيدا ٿيل شرمندگي، ميرٽس جي انهن اميدن کي نقصان پهچايو آهي ته هو گذريل ڪمزور ۽ ورهايل حڪومت جو متبادل بڻجي سگهندو، جيڪا گذريل سال جي آخر ۾ ٽٽي وئي هئي. ساڄي ڌُر واري پارٽي “آلٽرنيٽو فار جرمني”، جيڪا فيبروري جي چونڊن ۾ 20.8 سيڪڙو ووٽن سان ٻي نمبر تي آئي هئي، ميرٽس جي ناڪامي جو فائدو ورتو. پارٽي جي گڏيل اڳواڻ ايلِس وائيڊل X تي لکي ڇڏيو ته، “هي ووٽ ڏيکاري ٿو ته SPD ۽ قدامت پسندن جي ننڍڙي اتحاد جو بنياد ڪيترو ڪمزور آهي، جنهن کي ووٽر رد ڪري چڪا آهن.” جرمنيءَ ۾ حڪومت جي واڳ جي منتقلي هڪ ترتيب واري عمل سان ٿيندي آهي. سومر جي ووٽ کان اڳ، عهدو ڇڏيندڙ چانسلر اولاف شولز کي هٿياربند فوجي بينڊ طرفان روايتي “گرينڊ ٽيٽو” سان رخصت ڪيو ويو هو. 69 سالن جو ميرٽس توقع ڪري رهيو هو ته هو ووٽ کٽي صدر فرينڪ والٽر اشٽائن ميئر وٽ وڃي حلف وٺندو، ۽ پنهنجي ديرين خواهش پوري ڪندو ته جرمني جو چانسلر بڻجي. سندس اڳوڻي حريف ۽ اڳوڻي چانسلر اينجيلا مرڪل به ووٽ ڏسڻ لاءِ بُنڊس ٽيگ يعني پارليامينٽ آئي هئي. ميرٽس جو فوري فيصلو هاڻي اهو هوندو ته هو پنهنجي اتحادين سان مشورو ڪري ته ڇا ٻيهر ووٽ لاءِ اڳتي وڌجي يا ٻيهر ناڪاميءَ جو خطرو کڻجي.
