اسلام آباد(بيورو)پاڪستان مسلم ليگ (ن) جي نائب صدر مريم نواز جي مبينا عدليه مخالف بيان تي ڪيس داخل ڪرڻ جي درخواست تي عدالت پوليس کي رپورٽ پيش ڪرڻ لاءِ 9 سيپٽمبر تائين مهلت ڏئي ڇڏي. ايڊيشنل سيشن جج مريم نواز خلاف داخل ڪيس جي ٻڌڻي مقامي شهري جي درخواست تي ڪئي، عدالت ايس ايڇ او باغبانپوره کي 9 سيپٽمبر تائين رپورٽ پيش ڪرڻ جو وقت ڏنو. درخواست ۾ موقف اختيار ڪيو ويو ته مريم نواز 25 جولاءِ تي پنجاب جي وڏي وزير جي چونڊ جي موقعي تي عدليه خلاف بيان ڏنو.درخواستگذار چيو ته مريم نواز خلاف باغبانپوره ٿاڻي ۾ ڪيس داخل ڪرايو. پوليس ان حوالي سان ڪا به ڪارروائي نه ڪئي، عدالت پوليس کي مريم نواز خلاف ڪيس داخل ڪرڻ جو حڪم ڏئي ڇڏيو.
