اسلام آباد: (بيورو رپورٽ) پاڪستان غزه ۾ اسرائيلي فوج طرفان معصوم فلسطينين تي حملن جي سخت لفظن ۾ مذمت ڪئي آهي.پرڏيهي وزارت جي ترجمان طاهر حسين اندرابي چيو آهي ته اسرائيلي حملن ۾ معصوم ٻار، عورتون، فوت ۽ زخمي ٿيون، اسرائيل عالمي قانون ۽ تازي امن معاهدي جي سنگين ڀڃڪڙي ڪري رهيو آهي. هن چيو ته اهي حملا امن جي ڪوششن کي ٽوڙي رهيا آهن، اهي حملا شرم الشيخ ۾ طئي ٿيل امن معاهدي جي به کليل ڀڃڪڙي آهن، عالمي برادري اسرائيلي حملن جو نوٽيس وٺي.ترجمان وڌيڪ چيو ته عالمي انساني حقن ۽ انساني قانون جي پاسداري لاءِ فوري قدم کنيا وڃن. پاڪستان آزاد سرحدن تي ٻڌل هڪ آزاد، خودمختار ۽ لاڳاپيل فلسطيني رياست جي قيام جي حق ۾ پنهنجي اصولي موقف جو ارادو رکي ٿو.پاڪستان هڪ دفعو ٻيهر پنهنجي اصولي موقف جو ارادو ڪندي چيو ته اهو 1967ع کان اڳ جي سرحدن موجب آزاد، خودمختار فلسطيني رياست جي قيام جي حمايت ڪري ٿو جنهن جو راڄڌاني القدس الشريف هجي.
