ليه (ويب ڊيسڪ)آچر ڏينهن ليه جي علائقي نوان ڪوٽ ڀرسان تيز رفتار مسافر بس ڪلٽي ٿي پئي جنهن جي نتيجي ۾ پنج ماڻهو فوت ۽ 25 سخت زخمي ٿي پيا. حادثي کانپوءِ روڊ ٺاهڻ واري ٺيڪيدار خلاف ڪيس داخل ڪيو ويو، ڇاڪاڻ ته حادثو روڊ تي ڪانڪريٽ وڇائڻ سبب پيش آيو هو. ايف آءِ آر مطابق، بس ڊرائيور سميت پنج ماڻهو فوت ٿي ويا، جڏهن ته 25 ڄڻا زخمي ٿي پيا. بس نوان ڪوٽ واري علائقي ۾ اُلٽي پئي، ۽ چوبارا ٿاڻي تي ڪيس داخل ڪيو ويو. ”ايف آءِ آر ۾ چيو ويو ته ٺيڪيدار روڊ تي بجري جو ڍير ڪري ۽ سائن بورڊ نه لڳائي روڊ بلاڪ ڪيو،“ جنهن جي نتيجي ۾ ٺيڪيدار خلاف، جيڪو اڻ مڪمل روڊ جو ٺيڪيدار هو، عابده حسين جي شڪايت تي ڪيس داخل ڪيو ويو، جيڪو فوت ٿيل مسافر جو پوٽو آهي. هڪ ريسڪيو آفيسر ٻڌايو ته هڪ ئي خاندان جا 25 ڄڻا ان مسافر بس ۾ زخمي ٿي پيا، جڏهن ته مسافر بس بي بي پاڪدامن لاهور جي مزار تان ڪروڙ لال عيسن، ليه ڏانهن پئي اچي. فوت ٿيل ۽ زخمين کي تحصيل اسپتال فتح پور منتقل ڪيو ويو، جڏهن ته ڇهه شديد زخمين کي علاج لاءِ نشتر اسپتال ملتان موڪليو ويو.
