اسلام آباد (بيورو رپورٽ) بين الاقوامي مالياتي فنڊ (آءِ ايم ايف) پاڪستان جي معاشي سڌارن ۽ پاليسي تي عملدرآمد کي مضبوط قرار ڏيندي چيو آهي ته پاڪستان وچ اوڀر ۾ جنگ جي باوجود معاشي استحڪام برقرار رکيو.آءِ ايم ايف جي ايگزيڪيوٽو بورڊ پاڪستان لاءِ معاشي جائزي جي منظوري ڏني. اعلان موجب، اي ايف ايف پروگرام جو ٽيون جائزو ۽ آر ايس ايف پروگرام جو ٻيو جائزو مڪمل ٿي چڪو آهي. پاڪستان کي قرض پروگرام جي ايندڙ قسط ۾ فوري طور تي 1.1 ارب ڊالر ملندا.آءِ ايم ايف جي بيان ۾ چيو ويو آهي ته پاڪستان کي فوري طور تي موسمياتي فنڊنگ ۾ 220 ملين ڊالر پڻ ملندا. ٻنهي پروگرامن تحت پاڪستان کي ڪل 4.8 ارب ڊالر مليا آهن.بيان ۾، آءِ ايم ايف پاڪستان جي معاشي سڌارن ۽ پاليسي تي عملدرآمد کي مضبوط قرار ڏنو.آءِ ايم ايف جو چوڻ آهي ته وچ اوڀر جي جنگ جي باوجود، پاڪستان معاشي استحڪام برقرار رکيو. آءِ ايم ايف چيو ته پاڪستان جي جي ڊي پي جي واڌ ۾ تيزي آئي آهي، افراط زر ڪنٽرول ۾ آهي، ۽ ڪرنٽ اڪائونٽ متوازن آهي. مالي سال 2026 ۾ پاڪستان جو بنيادي سرپلس جي ڊي پي جو 1.6 سيڪڙو رهڻ جو امڪان آهي. آءِ ايم ايف موجب، ڊسمبر 2025 تائين پاڪستان جا پرڏيهي مٽاسٽا جا ذخيرا 16 ارب ڊالر تائين پهچي ويا. بيان ۾، آءِ ايم ايف ٽيڪس نيٽ کي وڌائڻ ۽ ٽيڪس وصولي کي بهتر بڻائڻ تي زور ڏنو.
