بالي(ويب ڊيسڪ)چيني صدر شي جن پنگ جي 20 ملڪن تي زور ڀريو آهي ته اهي شرح سود ۾ گهٽتائي ڪن، امير ملڪ سود جي شرح وڌائڻ سان ٿيندڙ نقصانن کان پاسو ڪن.انڊونيشيا جي ٻيٽ بالي ۾ جي 20 سربراهه اجلاس جي موقعي تي چيني صدر چيو ته اسان کي عالمي مهانگائي تي ضابطو آڻڻو پوندو ۽ معيشت ۽ فنانس ۾ منظم خطرن کي منهن ڏيڻو پوندو.چيني صدر چيو ته ترقي يافته معيشتن کي مانيٽري پاليسي ايڊجسٽمينٽ جي ناڪاري اثرن کي گهٽائڻ گهرجي ۽ قرض کي پائيدار سطح تي مستحڪم ڪرڻ گهرجي.صدر شي جن پنگ چيو ته اسان کي خوراڪ ۽ توانائي جي مسئلن تي سياست ڪرڻ جي سخت مخالفت ڪرڻ گهرجي.هن وڌيڪ چيو ته نظرياتي ۽ سياسي مخالفت دنيا کي ورهائڻ جو سبب بڻجندي.
