اسلام آباد(بيورو)ناڻي واري وزير مفتاح اسماعيل چيو آهي ته انٽرنيشنل مانيٽري فنڊ (آءِ ايم ايف) سان اسٽاف سطح جو معاهدو جون ۾ ٿيندو. اسلام آباد ۾ عائشه غوث پاشا سان گڏ پريس ڪانفرنس ڪندي ناڻي واري وزير مفتاح اسماعيل چيو ته پيٽروليم شين جا اگهه خوشيءَ سان نه وڌايا ، اهو اسان جو فرض آهي، جيڪڏهن اسان اهو نه ڪيو ته پاڪستان ڊفالٽ ٿي وڃي ها.هڪ سوال جي جواب ۾ مفتاح اسماعيل چيو ته پيٽرول جي قيمتن ۾ اضافو ٿيو آهي ان ڪري مان نه ٿو سمجهان ته ايندڙ مهيني جي شروعات ۾ پيٽرول جي اگهه ۾ ٻيهر واڌ ٿيندي پر اها حقيقت آهي ته مون کي خبر ناهي.بجلي جي اگهن ۾ واڌ بابت سوال تي ناڻي واري وزير چيو ته هن وقت اسان کي بجلي جي اگهن ۾ واڌ جي ڪا به سمري نه ملي آهي.سرڪاري ادارن جي نجڪاري بابت سوال تي مفتاح اسماعيل چيو ته دوحه ۾ آءِ ايم ايف سان نجڪاري بابت ڪا به ڳالهه ٻولهه نه ٿي، پرائيويٽائيزيشن ان ڪري نه ٿيڻ گهرجي ڇو ته اهو آءِ ايم ايف جو مطالبو آهي پر ان لاءِ بحث نه ٿيڻ گهرجي. مفتاح اسماعيل چيو ته جون ۾ آءِ ايم ايف سان اسٽاف ليول جو معاهدو ٿيندو، معاهدي کانپوءِ بورڊ ليول جو اجلاس ٿيندو، جنهن کانپوءِ رقم وصول ٿيندي، آءِ ايم ايف کان 3 3 ارب ڊالر گهريا ويا آهن، اسان چيو آهي ته آءِ ايم ايف سان اسٽاف ليول جو معاهدو ٿيندو. پروگرام کي وڌائڻ ۽ ٻيو 2 بلين ڊالر شامل ڪرڻ لاءِ آهي ناڻي واري وزير چيو ته ساڳئي مالي سال ۾ عالمي بئنڪ ۽ ايشيا انفراسٽرڪچر بئنڪ کان به هڪ ارب کان وڌيڪ رقم ملندي.
