اسلام آباد (بيورو رپورٽ) صدرِ مملکت آصف علي زرداری سان وزيرِاعظم محمد شہباز شريف اهم ملاقات ڪئي، جنهن دوران ملڪ جي مجموعي صورتحال تي تفصيلي ڳالهيون ڪيون ويون۔
ملاقات ۾ نائب وزيرِاعظم اسحاق ڊار، اڳوڻي پرڏيهي وزير بلاول ڀٽو زرداری ۽ گهرو وزير محسن نقوی پڻ شريڪ ٿيا، جڏهن ته قومي سلامتي جو صلاحڪار ليفٽيننٽ جنرل عاصم ملڪ به اجلاس ۾ موجود هو۔
اجلاس دوران قومي سلامتي جي مجموعي صورتحال تي تفصيلي خيال ونڊيا ويا۔ شرڪت ڪندڙن خطي ۾ تبديل ٿيندڙ صورتحال ۽ ان جي پاڪستان تي پوندڙ اثرن جو به جائزو ورتو.
ملاقات ۾ معاشي، توانائي ۽ سيڪيورٽي چئلينجز تي به صلاح مشورا ڪيا ويا، جڏهن ته قومي سطح تي گڏيل حڪمتِ عملي ۽ ادارن وچ ۾ بهتر هم آهنگي تي زور ڏنو ويو۔
